Nnwom 138:1-8
Dawid dwom.
138 Mede me koma nyinaa beyi wo ayɛ.+
Mɛto ayeyi nnwomWɔ anyame foforo anim.*
2 Mɛkotow de m’ani akyerɛ w’asɔrefi kronkron no,*+Na meyi wo din ayɛ,+Wo dɔ a enni huammɔ ne wo nokwaredi nti.
Efisɛ woama w’asɛm ne wo din so asen biribi foforo biara.*
3 Ɛda a mefrɛe no, wugyee me so;+Woma minyaa* akokoduru ne ahoɔden.+
4 O Yehowa, asaase so ahemfo nyinaa beyi wo ayɛ,+Efisɛ wɔbɛte ɛbɔ a woahyɛ.
5 Wɔbɛto dwom a ɛfa Yehowa akwan ho,Efisɛ Yehowa anuonyam yɛ kɛse.+
6 Ɛwom sɛ Yehowa korɔn de, nanso n’ani wɔ ahobrɛasefo so,+Na obi a ɔyɛ ahantan de, ohu no wɔ akyirikyiri.+
7 Sɛ menam baabi a asiane wɔ mpo a, wobɛkora me nkwa so.+
Wobɛteɛ wo nsa wɔ m’atamfo so, wɔn abufuw nti;Wo nsa nifa begye me nkwa.
8 Yehowa bewie nea ɔreyɛ ama me no nyinaa.
O Yehowa, wo dɔ nni huammɔ; ɛwɔ hɔ daa.+Nnyaw wo nsa ano adwuma.+
Ase Hɔ Nsɛm
^ Ebetumi nso akyerɛ, “Mɛbɔ nnwom de abu anyame foforo animtiaa.”
^ Anaa “wo tenabea kronkron no.”
^ Ebetumi nso akyerɛ, “Efisɛ woama w’asɛm so atra wo din nyinaa.”
^ Anaa “Womaa me kra nyaa.”
