Nnwom 140:1-13
Wɔde ma dwom kyerɛfo. Dawid dwom.
140 O Yehowa, gye me fi abɔnefo nsam;Mesrɛ wo, bɔ me ho ban fi awudifo ho,+
2 Wɔn a wɔbɔ pɔw bɔne wɔ wɔn komam,+Na daa nyinaa wɔhyɛ ɔko mu gya no.
3 Wɔsew wɔn tɛkrɛma ano sɛ ɔwɔ;+Ahurutoa* bɔre wɔ wɔn anom.+ (Sela)
4 O Yehowa, bɔ me ho ban fi nnebɔneyɛfo ho;+Bɔ me ho ban fi awudifo ho,Wɔn na wɔbɔ pɔw sɛ wɔbɛma mahwe ase.
5 Ahantanfo asum me afiri, na wɔde ahintaw me;Wɔde nhama asuso atena mu atrɛw mu wɔ kwankyɛn.+
Wɔasunsum me mfiri.+ (Sela)
6 Mɛka akyerɛ Yehowa sɛ: “Wone me Nyankopɔn.
O Yehowa, yɛ aso ma me nkotosrɛ.”+
7 O Awurade Tumfo Yehowa, me Gyefo a ne ho yɛ den,Wobɔ me* ho ban ɔko da.+
8 O Yehowa, mma nnebɔneyɛfo nnnya nea wɔpɛ.
Mma pɔw a wɔbɔ no nnyɛ yiye na wɔamma wɔn ho so. (Sela)+
9 Wɔn a wɔatwa me ho ahyia no,Ma wɔn ankasa anom mmusu nkata wɔn ti so.+
10 Ma nnyansramma a ɛredɛw ntɔ ngu wɔn so.+
Ma wonkogu ogya mu;Wonkogu amoa donkudonku* mu+ na wɔansɔre bio.
11 Mma dinsɛefo ase nntim wɔ asaase so.+
Ma bɔne ntaa awudifo so na ɛnsɛe wɔn.
12 Minim sɛ Yehowa bedi ama mmɔborɔwa,na wabu atɛntrenee ama ohiani.+
13 Ampa, atreneefo de aseda bɛma wo din,Na teefo bɛtena w’anim.+
