Nnwom 45:1-17
Wɔde ma dwom kyerɛfo; ɔkwan a wɔfa so to no: “Sukooko.” Kora mma dwom.+ Maskil.* Ɔdɔ ho dwom.
45 Asɛmpa bi akanyan me koma.
Mise: “Me dwom no* fa ɔhene bi ho.”+
Ma me tɛkrɛma nyɛ sɛ ɔkyerɛwfo a ne ho akokwaw+ kyerɛwdua.+
2 Wo ho yɛ fɛ sen nnipa mma nyinaa.
W’anom kasa yɛ dɛ sɛ.+
Ɛno nti na Onyankopɔn ahyira wo daa no.+
3 O Otumfo,+ fa wo sekan bɔ w’asen+Wɔ anuonyam ne nidi mu.+
4 Na kodi nkonim w’anuonyam mu;+Nokware, ahobrɛase ne trenee nti, tena wo pɔnkɔ so na ko,+Na wo nsa nifa bɛyɛ* anwonwadwuma.
5 W’agyan ano yɛ nnam, ɛma aman hwehwe ase wɔ w’anim;+Ɛwowɔ ɔhene no atamfo koma mu.+
6 Onyankopɔn ne w’ahengua daa daa,+Na w’ahenni poma yɛ atɛntrenee* ahempoma.+
7 Wodɔɔ adetrenee,+ na wukyii adebɔne.+
Ɛno nti na Onyankopɔn, wo Nyankopɔn, de ahurusi+ ngo asra wo+ sen wo mfɛfo no.
8 Kurobow ne pɛprɛ ne kasia dua yi hua wɔ wo ntaade nyinaa mu;Sɛ wɔbɔ sanku wɔ ahemfi kɛse a wɔde asonse* ayɛ no mu a, wudi ahurusi.
9 Wo mmea a wɔwɔ anuonyam no, ahemfo mma mmea ka ho.
Ɔhemmaa no abegyina wo nsa nifa so, na ɔde Ofir sika kɔkɔɔ+ asiesie ne ho.
10 O ɔbabea, tie, na yɛ aso;Yi w’adwene fi wo nkurɔfo ne wo papa fi so.
11 Na ɔhene ani begyina w’ahoɔfɛ,Efisɛ ɔno ne wo wura,Enti kotow no.
12 Tiro babea de akyɛde bɛba;Adefo mu adefo bɛhwehwɛ w’anim dom.
13 Ɔhene babea ho yɛ fɛ boro so wɔ ahemfi hɔ;Wɔde sika kɔkɔɔ abobɔ n’ataade mu.*
14 Sɛ wɔde no rebrɛ ɔhene no a, wɔbɛhyɛ no ntaade a wɔanwene no fɛfɛɛfɛ.
Wɔde mmaabun a wɔka ne ho bɛbrɛ wo.
15 Ahurusi ne anigye mu na wɔde wɔn bɛba;Wɔbɛhyɛn ɔhene ahemfi.
16 Wo mma besi w’agyanom ananmu,
Na wobɛpaw wɔn ma wɔayɛ mpanyimfo wɔ asaase nyinaa so.+
17 Mɛma wɔahu wo din wɔ awo ntoatoaso a ɛbɛba nyinaa mu.+
Ɛno nti na aman beyi wo ayɛ daa daa no.
Ase Hɔ Nsɛm
^ Hwɛ Nkyerɛkyerɛmu afã hɔ.
^ Nt., “Me nnwuma.”
^ Nt., “bɛkyerɛkyerɛ wo.”
^ Anaa “trenee.”
^ Anaa “asono se.”
^ Anaa “anwene n’ataade.”
