Nnwom 50:1-23
Asaf dwom.+
50 Yehowa,* Onyankopɔn a onyame biara ne no nsɛ no+ akasa;Ɔfrɛ asaaseFi apuei kosi atɔe.*
2 Sion yɛ kurow a n’ahoɔfɛ di mu;+ ɛhɔ na Onyankopɔn ma hann hyerɛn fi.
3 Yɛn Nyankopɔn bɛba, na ɔrentumi nyɛ komm.+
Ogya a ɛhyew ade di n’anim,+Na ahum kɛse atwa ne ho ahyia.+
4 Ɔfrɛ ɔsoro ne asaase,+Sɛnea ɛbɛyɛ a obebu ne nkurɔfo atɛn:+
5 “Mommoaboa m’anokwafo ano mma me,Wɔn a wɔnam afɔrebɔ so ne me ayɛ apam no.”+
6 Ɔsoro ka ne trenee kyerɛ,Efisɛ Onyankopɔn ankasa ne Ɔtemmufo.+ (Sela)
7 “O me man, muntie, na merebɛkasa;Israel, merebedi adanse atia wo.+
Mene Onyankopɔn, wo Nyankopɔn.+
8 Ɛnyɛ mo afɔrebɔ nti na mereka mo anim,Na ɛnyɛ mo hyew afɔre a ɛwɔ m’anim daa ntia.+
9 Enhia sɛ mefa nantwinini fi mo fi,Na enhia nso sɛ mefa mpapo fi mo mpɔnkyebuw mu.+
10 Efisɛ kwae mu mmoadoma nyinaa yɛ me dea,+Mmepɔw apem so mmoa nyinaa mpo yɛ me dea.
11 Minim mmepɔw so nnomaa nyinaa;+Na wuram mmoadoma a wɔn dodow nni ano nyinaa yɛ me dea.
12 Sɛ ɔkɔm de me a, ɛnyɛ wo na mɛka akyerɛ wo,Efisɛ asaase ne emu nneɛma nyinaa yɛ me dea.+
13 Anantwinini nam na mewe anaa?Na mpɔnkye mogya na menom anaa?+
14 Fa aseda yɛ afɔrebɔde ma Onyankopɔn,+Na tua wo bɔhyɛ ade ma Ɔsorosoroni no;+
15 Frɛ me ahohia da mu,+
Na megye wo ama woahyɛ me anuonyam.”+
16 Ɔdebɔneyɛfo de, Onyankopɔn bɛka akyerɛ no sɛ:
“Hena na ɔmaa wo kwan sɛ ka m’ahyɛde ho asɛm+Anaa ka m’apam ho asɛm?+
17 Efisɛ wukyi nteɛso,*Na womfa me nsɛm nyɛ hwee.*+
18 Sɛ wuhu ɔkorɔmfo a, w’ani gye ne ho,*+Na wo ne awaresɛefo na ɛbɔ.
19 Wode w’ano keka nsɛmmɔne,Na nnaadaasɛm wɔ wo tɛkrɛma so.+
20 Wotena ase kasa tia w’ankasa wo nua;+Wo maame ba mpo, wudi ne ho nseku.*
21 Bere a woyɛɛ eyinom nyinaa no, meyɛɛ dinn,Enti ɛyɛɛ wo sɛ mɛyɛ sɛ wo ara.
Afei, merebɛkasa akyerɛ wo,Na mɛka nea woayɛ asi w’anim.+
22 Mo a mo werɛ afi Onyankopɔn, mesrɛ mo, munsusuw eyi ho,+Na mantetew mo mu pasaa a morennya ogyefo biara.
23 Nea ɔde aseda yɛ afɔrebɔde no hyɛ me anuonyam,+Na nea ɔde si n’ani so sɛ ɔbɛfa ɔkwampa so no,Mɛma wahu Onyankopɔn nkwagye.”+
Ase Hɔ Nsɛm
^ Anaa “Tweaduampɔn Nyankopɔn Yehowa.”
^ Anaa “owiapuei kosi owiatɔe.”
^ Nt., “wotow me nsɛm gu w’akyi.”
^ Anaa “akwankyerɛ.”
^ Ebetumi nso akyerɛ, “wokɔka ne ho.”
^ Anaa “wosɛe ne din.”
