Nnwom 61:1-8
-
Onyankopɔn yɛ abannennen a ɔbɔ me ho ban
-
“Mɛsoɛ wo ntamadan mu” (4)
-
Wɔde ma dwom kyerɛfo sɛ wɔmfa asanku nto. Dawid dwom.
61 O Onyankopɔn, tie me sufrɛ.
Yɛ aso ma me mpaebɔ.+
2 Sɛ me koma bubu a,+Mefi asaase ano noho asu afrɛ wo.
Gya me kɔ ɔbotan a ɛware sen me so.+
3 Efisɛ wone me guankɔbeaNe abannennen a wobɔ me ho ban fi m’atamfo ho.+
4 Mɛsoɛ wo ntamadan mu afebɔɔ;+Wo ntaban ase na mede bɛyɛ me guankɔbea.+ (Sela)
5 O Onyankopɔn, wo na woate ɛbɔ a mahyɛ nyinaa.
Woama me agyapade a wode ma wɔn a wosuro wo din.+
6 Wode nna pii bɛka ɔhene nkwa nna ho,+Na ɔbɛtena hɔ akosi awo ntoatoaso pii so.
7 Ɔbɛtena ahengua so wɔ Onyankopɔn anim* daa;+Ma ɔdɔ a enni huammɔ ne nokware mmɛsoɛ no, na abɔ ne ho ban.+
8 Ɛno na mɛto ayeyi nnwom* ama wo din daa,+Na matua me bɔhyɛ ade da biara.+
