Nnwom 75:1-10
-
Onyankopɔn bu atɛntrenee
-
Abɔnefo bɛnom Yehowa kuruwa ano (8)
-
Wɔde ma dwom kyerɛfo. Ɔkwan a wɔfa so to dwom no: “Nsɛe Me.” Asaf+ dwom.
75 O Onyankopɔn, yɛda wo ase, yɛda wo ase;Wo din nni akyirikyiri,+Na nkurɔfo ka w’anwonwadwuma ho asɛm.
2 Woaka sɛ: “Sɛ mehyɛ bere a,Mibu atɛntrenee.
3 Bere a asaase ne ɛsofo rewosow biribiri* no,Me na na mikura ne nnyinaso mu.” (Sela)
4 Wɔn a wɔhoahoa wɔn ho no, meka kyerɛɛ wɔn sɛ: “Monnhoahoa mo ho,”
Na meka kyerɛɛ nnebɔneyɛfo sɛ: “Mommfa mo ahoɔden nnhoahoa mo ho.*
5 Mommfa mo ahoɔden nntu mo ho saa;Mommfa ahomaso nnkasa.
6 Efisɛ obi rentumi nnya anuonyamMfi apuei, atɔe, anaa anaafo.
7 Onyankopɔn ne Ɔtemmufo.+
Ɔbrɛ obi ase, na ɔma obi so.+
8 Yehowa kura kuruwa wɔ ne nsam;+Nsã* a ɛwom no repuw ahuru, na wɔafra no yiye.
Nea ɛte biara obehwieAma nnebɔneyɛfo a wɔwɔ asaase so nyinaa anom, na wɔbɛnom nea ada ase no mpo.”+
9 Me de, mɛka ho asɛm daa;Mɛto ayeyi nnwom* ama Yakob Nyankopɔn.
10 Efisɛ waka sɛ: “Mɛma nnebɔneyɛfo ahoɔden* nyinaa asa,Na atreneefo ahoɔden de, ɛbɛyɛ kɛse.”*
Ase Hɔ Nsɛm
^ Nt., “renan.”
^ Nt., “Mommmoma mo mmɛn so.”
^ Anaa “Bobesa.”
^ Anaa “Mɛbɔ nnwom.”
^ Nt., “Metwitwa nnebɔneyɛfo mmɛn nyinaa agu.”
^ Nt., “mmɛn de, wɔbɛma so.”
