Nnwom 84:1-12
Wɔde ma dwom kyerɛfo; Gitit* so. Kora mma+ dwom. Ayeyi dwom.
84 O asafo Yehowa,Hwɛ sɛnea wo ntamadan kɛse no da me koma so.*+
2 M’ani* agyina,Na anigyina no ama mabotowEsiane Yehowa fi adiwo hɔ nti.+
Me koma ne me honam to ahurusi dwom ma Onyankopɔn teasefo no.
3 O asafo Yehowa a woyɛ me Hene ne me Nyankopɔn,Baabi a w’afɔremuka kɛse no wɔ no,Anomaa mpo anya baabi atena wɔ hɔ;Asomfena nso ayɛ ne berebuw wɔ hɔ,Na ɛhɔ na ɔhwɛ ne mma.
4 Anigye ne wɔn a wɔwɔ wo fi!+
Woyi wo ayɛ daa.+ (Sela)
5 Anigye ne nnipa a wɔde wo ayɛ wɔn ahoɔden+Na wɔn koma so ade ne sɛ wɔde wɔn ani bɛkyerɛ wo fi kwan.
6 Sɛ wɔnam Baka Bon* no mu a,Wɔma ɛhɔ yɛ nsuti,Na osu a edi kan tɔ de nhyira fura no sɛ ntama.*
7 Wɔbɛnantew nso wɔn ahoɔden rensa;+Wɔn mu biara bepue Onyankopɔn anim wɔ Sion.
8 O asafo Yehowa Nyankopɔn, tie me mpaebɔ;O Yakob Nyankopɔn, yɛ aso tie me. (Sela)
9 O yɛn kyɛm+ ne yɛn Nyankopɔn,*Nea woasra no no, hwɛ n’anim.+
10 Efisɛ eye sɛ obi bɛtena wo fi adiwo da koro sen sɛ obedi nna apem wɔ baabi foforo biara.+
Mayɛ m’adwene sɛ megyina me Nyankopɔn fi kwan ano mmomSen sɛ mɛtena abɔnefo ntamadan mu.
11 Efisɛ Yehowa Nyankopɔn yɛ owia+ ne ɔkyɛm;+Ɔdom nnipa na ɔhyɛ wɔn anuonyam.
Wɔn a wɔn abrabɔ di mu no,Yehowa remfa adepa biara nkame wɔn.+
12 O asafo Yehowa,Anigye ne onipa a ɔde ne ho to wo so.+
Ase Hɔ Nsɛm
^ Hwɛ Nkyerɛkyerɛmu afã hɔ.
^ Anaa “som bo ma me.”
^ Anaa “Me kra ani.”
^ Anaa “baka nnua bon.”
^ Ebetumi nso akyerɛ, “Ɔkyerɛkyerɛfo no de nhyira dura ne ho.”
^ Ebetumi nso akyerɛ, “O Onyankopɔn, hwɛ yɛn kyɛm.”
