Nnwom 85:1-13
Wɔde ma dwom kyerɛfo. Kora mma+ dwom. Ayeyi dwom.
85 O Yehowa, woadom w’asaase;+Yakob mma a wokodii obi man so no, woasan de wɔn aba.+
2 Wode wo man mfomso akyɛ wɔn;Wɔn bɔne nyinaa, woagyae ama aka.*+ (Sela)
3 Woasianka w’abufuw;Woadan afi w’abufuhyew ho.+
4 O yɛn nkwagye Nyankopɔn, san dom yɛn bio;*Mfa yɛn ho abufuw nhyɛ wo mu.+
5 Wobɛma w’ani abere yɛn so afebɔɔ?+
Wo bo befuw awo ntoatoaso nyinaa anaa?
6 Enti worempagyaw yɛn bioMma wo man nni ahurusi wɔ wo mu?+
7 O Yehowa, da ɔdɔ a enni huammɔ adi kyerɛ yɛn,+Na gye yɛn nkwa.
8 Metie nea nokware Nyankopɔn Yehowa bɛka;Ɔbɛka asomdwoe asɛm akyerɛ ne man,+ n’anokwafo no,Nanso ɛsɛ sɛ wɔhwɛ na wɔansan annye wɔn ho anni dodo.+
9 Ampa ara, ne nkwagye bɛn wɔn a wosuro no,+Na ɛma n’anuonyam tena yɛn asaase so.
10 Ɔdɔ a enni huammɔ ne nokware behyia;Trenee ne asomdwoe bedi nsawɔso.+
11 Nokware befifi asaase no so,Na trenee befi ɔsoro asian aba fam.+
12 Ampa, Yehowa bɛma yɛn nneɛma pa,*+Na yɛn asaase bɛma ne nnɔbae.+
13 Trenee bɛnantew Onyankopɔn anim,+Na ayi kwan ama n’anammɔn.
