NSASE NE NNIPA
Honduras Nsrahwɛ
HONDURAS kyerɛ “Ebun” wɔ Spania kasa mu. Ɛbɛyɛ sɛ Christopher Columbus na ɔde saa din no too nsuo a ɛwɔ Atlantic Mpoano no. Ebinom se saa na ɛyɛe a Honduras nyaa ne din.
Hondurasfo mfa wɔn abusua nni agorɔ. Enti sɛ ɛba biribi te sɛ abusua no sikasɛm anaa nkwadaa no sukuukɔ a, okunu ne ɔyere nyinaa na wɔbom si gyinae.
Hondurasfo pii ase fi Europa, na ebinom nso yɛ kurommafo mapa a ahɔho mogya nni wɔn mu. Wɔn mu bi ne Chortífo. Nanso Garifunafo deɛ, wɔkyerɛ sɛ wɔn ase fi baabi foforo.
Garifunani a ɔrebɔ twene
Garifunafo bi nananom yɛ Afrikafo, na ebinom nso yɛ Carib Indiafo a na wɔte St. Vincent supɔw so. Bɛyɛ afe 1797 mu na Garifunafo bɛtenaa Islas de la Bahía (Bay nsupɔw so). Akyiri yi wɔbɛtenaa Caribbean Mpoano wɔ Central America. Afei Garifunafo hyetaa Central America ne North America nkurow pii so.
Garifunafo taa bɔ twene di asa. Wɔpɛ ntade a ani hyɛnhyɛn, na wɔtaa to anansesɛm. Aduane baako a wɔnni ho agorɔ ne ereba. Wɔde bankye to no tratra te sɛ abodoo.
Yehowa Adansefo asafo bɛyɛ 400 na ɛwɔ Honduras. Wɔyɛ adesua wɔ Spanish, Borɔfo, Garifuna, Honduras Mum Kasa, Mandarin Chinese, ne Miskito kasa mu.
Ereba yɛ abodoo a wɔde bankye yɛ
Ebia W'Ani Begye Wei Nso Ho
NYAN!
New Zealand Nsrahwɛ
Afe biara, ahɔho bɛyɛ ɔpepem mmiɛnsa kɔhwɛ New Zealand ɛmfa ho sɛ ɛyɛ ɔman a ate ne ho no. Dɛn na ɛtwetwe ahɔho no saa?
NYAN!
Kazakhstan Nsrahwɛ
Bere bi a abɛsen kɔ no, na Kazakhfo di atutena, na na wɔtena yurt mu. Sɛ wohwɛ wɔn asetena seesei a, ɔkwan bɛn so na ɛma wuhu wɔn nananom asetena?
NYAN!
Spain Nsrahwɛ
Spain yɛ ɔman a ɛso nneɛma gu ahorow. Wokɔ hɔ a, wubehu sɛ asase no ne nnipa no nyinaa gu ahorow. Wiase nyinaa, Spain paa na yenya ngo a efi ngodua mu sen ɔman foforo biara.
