No te aha te mau Ite no Iehova e ore ai e faaohipa i te satauro?
No te taata e rave rahi, e tapao te satauro o te Kerisetianoraa. Noa ˈtu e e Kerisetiano te mau Ite no Iehova, aita matou e faaohipa ra i te satauro i roto i ta matou haamoriraa. No te aha?
No te mea i roto i te reo tumu o te Bibilia, ua faataahia e ua pohe Iesu i nia i te hoê pou, eiaha râ i nia i te hoê satauro. Hau atu â, te faaara mau nei te Bibilia i te mau Kerisetiano ia “maue ê atu i te haamori idolo.” Eiaha ïa ratou e faaohipa i te satauro i roto i te haamoriraa.—Korinetia 1, 10:14; Ioane 1, 5:21.
Ua parau Iesu: “O te mea teie e ite ai te taata atoa e, e pǐpǐ outou na ˈu, ia aroha outou ia outou iho.” (Ioane 13:34, 35) Ua faaite ïa Iesu e e itehia ta ˈna mau pǐpǐ mau maoti to ratou aroha aore ra here pipiri ore, eiaha râ maoti te satauro aore ra te tahi atu hohoˈa.
E au atoa outou . . .
TE PAHONO RA TE BIBILIA
Ua pohe anei Iesu i nia i te satauro?
E rave rahi haapaoraa e parau ra e Kerisetiano ratou o te faaohipa i te satauro i roto i ta ratou haamoriraa. E tia anei ia na reira?
HAAPIIRAA TUMU
E farii anei te Atua ia faaohipahia te hohoˈa i roto i te haamoriraa?
Tauturu mai anei te reira ia faafatata ˈtu â i te hoê Atua o tei ite-ore-hia?
TE PAHONO RA TE BIBILIA
No te aha Iesu i pohe ai?
Mea nafea to ˈna poheraa e hopoi mai i te mau haamaitairaa?
HAAPIIRAA BIBILIA
Tamata i te haapiiraa Bibilia
A ani te hoê haapiiraa Bibilia e te hoê taata haapii.