Salamo 102:1-28
Pure a tei roohia i te ati a toaruaru* ai oia e a faaite ai i to ˈna hepohepo i mua ia Iehova.+
102 E Iehova, a faaroo mai i ta ˈu pure.+Ia tae ta ˈu taparuraa i te tauturu ia oe ra.+
2 Eiaha e huna i to aro ia ˈu nei i roto i to ˈu ahoaho.+
A fariu i to tariˈa* ia ˈu nei.A pahono oioi mai ia ˈu ia tiaoro atu vau.+
3 Te moˈe ra hoi to ˈu mau mahana mai te au auahi,E te ama ra to ˈu mau ivi mai te hoê tahuraa auahi.+
4 Ua tairihia to ˈu aau e ua maemae mai te aihere ra,+Te moˈe ra hoi ia ˈu i te amu i te maa.
5 No te puai o ta ˈu autâ,+Te piri ra to ˈu mau ivi i to ˈu nei iˈo.+
6 E au vau i te kata o te medebara.E au vau i te hoê tehemesa nainai i ropu i te vahi ano.
7 Aita to ˈu taoto e topa ra.*E au vau i te hoê manu o ˈna anaˈe i nia i te hoê tapoˈi fare.+
8 I te roaraa o te mahana, te faaino ra to ˈu mau enemi ia ˈu.+
E faainoraa to ˈu iˈoa na te feia o te faaooo* ra ia ˈu.
9 Te amu ra hoi au i te rehu auahi mai te faraoa ra,+E ua anoihia ta ˈu e inu ra i te roimata,+
10 No to oe riri e to oe inoino,Ua amo hoi oe ia ˈu i nia no te faarue ia ˈu i raro i muri iho.
11 E au to ˈu mau mahana i te hoê ata e moˈe* ra,+E te maemae ra vau mai te aihere.+
12 Tera râ, e vai noa mai â oe, e Iehova,+E e vai noa mai â to oe roo* e hope noa ˈtu te mau uˈi atoa.+
13 E tia mai iho â oe e e faaite oe i te aroha hamani maitai ia Ziona,+E taime hoi teie no te faaite i to farii maitai ia ˈna.+Ua tae te taime faataahia.+
14 Mea poihere hoi na to mau tavini i te mau ofai o to ˈna mau patu.+Mea poihere atoa na ratou i to ˈna huˈa repo.+
15 E mǎtaˈu te mau nunaa i te iˈoa o Iehova,E te mau arii atoa o te fenua nei i to hanahana.+
16 E patu faahou hoi Iehova ia Ziona.+E itea mai oia i roto i to ˈna hanahana.+
17 E haapao oia i te pure a te veve.+Eita oia e vahavaha i ta ratou pure.+
18 Ua papaihia te reira no to muri mai uˈi,+Ia aruehia Ia e te hoê nunaa o tei ore â i fanauhia* ˈtura.
19 Te mataitai ra hoi oia mai to ˈna vahi moˈa teitei ra.+Te hiˈopoa ra Iehova i te fenua nei mai te mau raˈi mai,
20 No te faaroo i te autâ a tei tapeahia,+No te faaora i tei faautuahia i te pohe,+
21 Ia faaitehia te iˈoa o Iehova i Ziona+E te arueraa ia ˈna i Ierusalema,
22 A putuputu mai ai te mau nunaa e faatereraa ariiNo te tavini ia Iehova.+
23 Ua faaere oioi oia ia ˈu i to ˈu puai.Ua haapoto oia i to ˈu mau mahana.
24 Ua parau vau: “To ˈu Atua e,Eiaha e haamou ia ˈu i ropu i to ˈu oraraa,E vai â hoi to oe mau matahiti e a muri noa ˈtu.+
25 I tahito ra, ua haamau oe i te niu o te fenua,E te raˈi ra, o te ohipa ïa a to rima.+
26 E mou te reira, area oe e vai noa ïa.E marau te reira mai te hoê ahu.
Mai te ahu ra, e mono oe i te reira e e moˈe te reira.
27 Aita râ oe i taui aˈe, e eita to oe mau matahiti e hope.+
28 E parahi hau te mau tamarii a to mau tavini,E e haamau-papu-hia to ratou huaai i mua ia oe.”+
Nota i raro i te api
^ Aore ra “paruparu.”
^ Aore ra “piˈo mai e a faaroo.”
^ Huri-atoa-hia “Mea pararai roa ino vau.”
^ Aore ra “haamaamaa.”
^ Aore ra “roa noa ˈtu.”
^ Aore ra “iˈoa.” Heb: “haamanaˈoraa.”
^ Heb: “poietehia.”
