Salamo 63:1-11
Salamo a Davida, i to ˈna faaearaa i roto i te medebara o Iuda.+
63 E te Atua e, o oe to ˈu Atua, te imi noa ra vau ia oe.+
Te poihâ ra vau ia oe.+
Te rohirohi roa ra vau* no to ˈu hinaaro rahi ia oeI te hoê fenua mǎrô e te pape ore.+
2 No reira vau i hiˈo ai ia oe i roto i te vahi moˈa.Ua ite au i to puai e to hanahana.+
3 Mea maitai aˈe hoi to here taiva ore i te ora,+E faahanahana to ˈu vaha ia oe.+
4 E haamaitai ïa vau ia oe i to ˈu oraraa taatoa.I to iˈoa e faateitei ai au i to ˈu rima.
5 Te mâha nei au i te tuhaa maitai roa ˈˈe,E himene ïa to ˈu vaha, e arue to ˈu vaha ia oe.+
6 Te haamanaˈo ra vau ia oe i nia i to ˈu roˈi.Te feruriruri nei au ia oe i te mau araraa o te po.+
7 O oe hoi ta ˈu tauturu,+E te umere nei au i raro aˈe i te marumaru o to mau pererau.+
8 Te ati maite nei au ia oe.Te tapea maite ra to rima atau ia ˈu.+
9 Te feia râ o te imi ra i te rave i to ˈu ora,*E reva ïa ratou i raro roa i te fenua.
10 E pohe ratou i te ˈoˈe.E riro ratou ei maa na te mau alope.
11 E oaoa râ te arii i te Atua.
E umere* te taata atoa o te horeo ia ˈna,E haamamûhia hoi te vaha o te feia haavare.
Nota i raro i te api
^ Heb: “to ˈu tino.”
^ Aore ra “te imi ra i te taparahi pohe ia ˈu.”
^ Aore ra “haapeu.”
