Salamo 89:1-52
Masekila* a Etana+ ati Zera.
89 E himene au i te here taiva ore o Iehova e a muri noa ˈtu.
I to ˈu vaha, e faaite au i to haapao maitai i te mau uˈi atoa.
2 Ua parau hoi au: “E vai te here taiva ore e a muri noa ˈtu,+E ua haamau papu oe i to haapao maitai i nia i te raˈi.”
3 “Ua faaau vau i te hoê faufaa i tei maitihia e au ra.+Ua horeo vau i ta ˈu tavini ra o Davida:+
4 ‘E haamau papu vau i to huaai+ e a muri noa ˈtu,E e haapaari au i to terono e hope noa ˈtu te mau uˈi atoa.’”+ (Sela)
5 Te arue nei te mau raˈi i ta oe mau ohipa faahiahia, e Iehova,Oia mau, to haapao maitai i roto i te amuiraa o tei moˈa.
6 O vai hoi i te raˈi ra e aifaito ia Iehova?+
O vai i rotopu i te mau tamaiti a te Atua+ mai ia Iehova?
7 Mea faatura-roa-hia te Atua i rotopu i te pǔpǔ* a tei moˈa.+E Atua rahi e te mǎtaˈu-rahi-hia oia e tei haaati ra ia ˈna.+
8 E Iehova te Atua o te mau nuu,*O vai mai ia oe i te puai, e Ia?+
Te haaati nei to haapao maitai ia oe.+
9 Te faatere nei oe i te arepurepu o te miti.+Ia puai mai to ˈna mau are, na oe e haamania ˈtu.+
10 Ua taataahi oe ia Rahaba+ e ua haapohe oe ia ˈna.+
I to rima puai, ua haapurara ê oe i to oe mau enemi.+
11 Na oe te raˈi e na oe te fenua.+Na oe i haamau i te fenua ruperupe e te mau mea atoa i nia iho.+
12 Na oe i poiete i te apatoerau e te apatoa.Te arue nei o Tabora+ e o Heremona+ i to iˈoa ma te oaoa.
13 Mea puai to rima.+Mea pautuutu to rima.+Ua faateiteihia to rima atau.+
14 O te parau-tia e te afaro te niu o to terono.+Tei mua ia oe te here taiva ore e te haapao maitai.+
15 E oaoa te nunaa o tei ite i te umere.+
E Iehova, te haere nei ratou na roto i te maramarama o to aro.
16 Te oaoa nei ratou i to iˈoa i te roaraa o te mahana,E no to parau-tia, te faateiteihia ra ratou.
17 O oe hoi te hanahana o to ratou puai,+E i to farii maitai to matou puai e rahi ai.*+
18 Na Iehova hoi ta matou paruru,Na Tei Moˈa o Iseraela to matou arii.+
19 I taua taime ra, ua parau oe na roto i te hoê orama i to oe feia taiva ore:
“Ua horoa vau i te puai i te hoê taata puai.+Ua faateitei au i te tahi taata maitihia mai roto mai i te nunaa.+
20 Ua itea mai ia ˈu o Davida ta ˈu tavini.+Ua faatavai au ia ˈna i ta ˈu monoˈi moˈa ra.+
21 E turu to ˈu rima ia ˈna,+E e haapuai to ˈu rima ia ˈna.
22 Aita e enemi e titau i te aufauraa ia ˈna.Aita e taata parau-tia ore e haavî ia ˈna.+
23 E faahuˈahuˈa vau i to ˈna mau enemi i mua ia ˈna+A tairi atu ai i te feia e hae ra ia ˈna.+
24 Tei ia ˈna ra to ˈu haapao maitai e here taiva ore,+E i to ˈu iˈoa to ˈna puai e rahi ai.*
25 E tuu vau i to ˈna rima* i nia i te mitiE to ˈna rima atau i nia i te mau anavai.+
26 E pii oia ia ˈu: ‘O oe to ˈu Metua,To ˈu Atua e te Mato o to ˈu faaoraraa.’+
27 E e tuu vau ia ˈna ei tamarii matahiapo,+Te arii rahi roa ˈˈe i nia i te fenua.+
28 E tapea vau i to ˈu here taiva ore ia ˈna e a muri noa ˈtu,+E e ore roa ta ˈu faufaa ia ˈna ra e mou.+
29 E haamau vau i to ˈna huaai e a muri noa ˈtuE e vaiiho vau i to ˈna terono ia vai noa, mai te mau raˈi.+
30 Ia faarue ta ˈna mau tamaiti i ta ˈu tureA ore atu ai e pee i ta ˈu mau faaueraa mana,*
31 Ia ofati ratou i ta ˈu faatureraaA ore atu ai e haapao i ta ˈu mau faaueraa,
32 E faautua vau i to ratou faaroo ore* i te hoê raau+E ta ratou hapa i te hui.
33 E ore roa râ vau e haamoˈe i to ˈu here taiva ore ia ˈna,+E ore atoa vau e taiva i te mea ta ˈu i fafau.
34 Eita vau e ofati i ta ˈu faufaa+Aore ra e taui i ta to ˈu vaha i parau.+
35 I to ˈu moˈaraa, ua horeo vau hoê roa horeoraa.Eita vau e haavare ia Davida.+
36 E vai to ˈna huaai e a muri noa ˈtu.+E vai noa to ˈna terono mai te mahana ra i mua ia ˈu.+
37 Mai te avaˈe ra, e haamau-papu-hia te reira e a muri noa ˈtuMai te hoê ite haapao maitai i nia i te raˈi.” (Sela)
38 Ua patoi râ oe ia ˈna e ua faarue oe ia ˈna.+Ua riri oe i tei faatavaihia e oe ra.
39 Ua patoi oe i te faufaa i to tavini ra.Ua haaviivii oe i to ˈna hei upoo ma te taora i te reira i raro.
40 Ua tuparari oe i to ˈna mau aua ofai atoa.Ua faariro oe i to ˈna mau vahi auahia i te patu ei haapueraa ofai.
41 Ua haruhia e te feia e haere ra na reira te mau taoˈa i ǒ ˈna.E vahavaharaa oia na to ˈna mau taata tapiri.+
42 Ua horoa oe i te upootiaraa i* to ˈna mau enemi.+Ua faaoaoa oe i to ˈna mau enemi atoa.
43 Ua faaotohe atoa oe i ta ˈna ˈoˈe,E aita oe i vaiiho ia ˈna ia upootia i roto i te aroraa.
44 Ua faaore oe i to ˈna unaunaE ua huri oe i to ˈna terono i raro.
45 Ua haapoto oe i te mau mahana o to ˈna apîraa.Ua tapoˈi oe ia ˈna i te haama. (Sela)
46 Ehia â maororaa oe, e Iehova, e tapuni ai? E tapuni anei oe e a muri noa ˈtu?+
E tamau noa anei to oe riri rahi i te ura mai te auahi?
47 A haamanaˈo e mea poto to ˈu ora!+
Aita anei e tumu i poiete ai oe i te huitaata?
48 O vai te taata e ora a ore atu ai e pohe?+
E nehenehe anei ta ˈna e faaora ia ˈna iho i te mana o te Apoo?* (Sela)
49 Teihea to here taiva ore ta oe i faaite mai, e Iehova,Ta oe i horeo no nia ia Davida no to haapao maitai?+
50 A haamanaˈo, e Iehova, i te mau faainoraa i parauhia i to mau tavini,Te faaruru ra vau* i te mau faainoraa a te mau nunaa atoa,
51 Ua faaino to oe mau enemi i tei faatavaihia e oe ra, e Iehova,Ua faaino ratou i te mau taahiraa avae o tei faatavaihia e oe.
52 Ia aruehia Iehova e a muri noa ˈtu. Amene e Amene.+
Nota i raro i te api
^ Aore ra “amuiraa.”
^ Aore ra “sabaota.”
^ Heb: “tara e faateiteihia ˈi.”
^ Heb: “tara e faateiteihia ˈi.”
^ Aore ra “mana.”
^ Aore ra “haavaraa.”
^ Aore ra “orure hau.”
^ Heb: “faateitei oe i te rima atau o.”
^ Heb: “Te amo ra vau i nia i to ˈu ouma.”
