HAAPIIRAA 05
Te poroi a te Atua no tatou
Ua horoa mai Iehova na tatou te hoê ô faahiahia, te Bibilia. I roto, te vai ra e 66 buka nainai. E na ô paha ïa oe: ‘Nohea mai te Bibilia? Mea nafea te Bibilia i te papairaahia?’ E aparau mai tatou mea nafea te Bibilia i te taeraa mai ia tatou ra.
1. I te mea na te taata i papai i te Bibilia, no te aha e buka no ô mai i te Atua ra?
E 40 taata tei papai i te Bibilia i nia 1 600 matahiti mai 1 513 hou te tau o Iesu e tae roa i 98 muri aˈe te tau o Iesu. Mea taa ê te feia papai i te Bibilia te tahi i te tahi. Aita râ ta te hoê i papai e faahapa ra i te tahi atu. E nafea ïa e nehenehe e parau e no ô te Bibilia i te Atua ra? (A taio i te Tesalonia 1, 2:13.) Aita te feia papai i tuu i to ratou manaˈo, “ua faahiti râ te taata i te mau parau no ǒ mai i te Atua a arataihia ˈi ratou e te varua moˈa.” a (Petero 2, 1:21) Ua faaohipa ïa te Atua i to ˈna varua moˈa no te aratai i te taata ia papai i to ˈna mau manaˈo.—Timoteo 2, 3:16.
2. O vai te faufaahia i te Bibilia?
O “te mau nunaa e opu e reo atoa” te faufaahia i te parau apî oaoa no roto i te Bibilia. (A taio i te Apokalupo 14:6.) Ua parau te Atua e e faufaahia ‘te mau nunaa e opu e reo atoa’ i te poroi o te Bibilia. I teie mahana, te vai ra te Bibilia na roto e rave rahi reo, e faufaahia te taata atoa i te reira noa ˈtu te vahi ta ratou e ora ra e te reo ta ratou e paraparau ra.
3. Mea nafea Iehova i te faaherehereraa i te Bibilia?
Ua papaihia te Bibilia i nia i te mau otaro eita ra e vai maoro, mai te iri animara anei e te môˈu. Tera râ, ua faaherehere maitai te taata i te reira. Noa ˈtu te tamata ra te feia mana i te faaore i te Bibilia, ua faaruru vetahi i te pohe no te paruru i te reira. Aita Iehova i vaiiho i te taata e i te tahi mea ia tapea ia ˈna ia paraparau ia tatou. Te parau ra te Bibilia: “E vai noa . . . te parau a to tatou Atua e a muri noa ˈtu.”—Isaia 40:8.
A FAAHOHONU ATU Â
A haapii hau atu â mea nafea te Atua i te aratairaa i te taata ia papai i te Bibilia, e i te faaherehereraa i te reira e ia fanaˈo atoa te taata.
4. Te faaite ra te Bibilia no ô mai ia vai teie buka
A pata i te VIDEO. E a taio i te Timoteo 2, 3:16, e a aparau i te mau uiraa i muri nei.
-
Mai te peu na te taata i papai i te Bibilia, no te aha e parauhia ˈi te Parau a te Atua?
-
No oe, mea tano anei ia tiaturi e e tuu te Atua i to ˈna mau manaˈo i roto i te mau taata papai?
Ia papai te hoê papai parau i te hoê rata, e ere no ˈna te manaˈo, ua faauehia oia ia papai i te reira. Oia atoa, ua papai te taata i te Bibilia, tera râ, no ô mai te poroi i te Atua ra
5. Ua imi-noa-hia na te ravea e faaore i te Bibilia
Mai te peu no ô mai te Bibilia i te Atua ra, mea papu e paruru oia i te reira. Ua tamata noa na te feia mana i te faaore i te Bibilia, oia atoa te mau aratai haapaoraa o tei tamata i te huna i te Bibilia. Noa ˈtu tera mau haamǎtaˈuraa, ua faaruru vetahi i te pohe no te paruru i te reira. No te ite i te aamu hoê o ratou, a pata i te VIDEO, e a aparau i te mau uiraa i muri nei.
-
Teie nei ua ite oe e ua faaruru e rave rahi taata i te pohe no te paruru i te Bibilia, aita anei oe e hinaaro e taio i te reira? No te aha?
A taio i te Salamo 119:97 e a aparau i teie uiraa:
-
Eaha tei turai i te taata ia faaruru i te pohe ia huri e ia opere i te Bibilia?
6. Te hoê buka no te taata atoa
O te Bibilia te buka huri-roa ˈˈe-hia e te opere-roa ˈˈe-hia. A taio i te Ohipa 10:34, 35 e a aparau i teie mau uiraa:
-
No te aha te Atua i hinaaro ai ia hurihia e ia operehia ta ˈna Parau te Bibilia mai tera te huru?
-
Eaha ta oe i au roa i roto i te Bibilia?
Fatata
te rahiraa
o te taata na te ao nei
o te fanaˈo nei i te Bibilia na roto i te reo ta ratou e taa
Ua hurihia na roto
3 000
reo
te tahi tuhaa aore ra te taatoaraa
5000000000
rahiraa Bibilia tei neneihia,
hau atu i te tahi atu mau buka
TE MANAˈO O VETAHI: “E buka tahito te Bibilia papaihia e te taata.”
-
Eaha to oe manaˈo?
-
Eaha te haapapuraa e o te Parau a te Atua te Bibilia?
HAAPOTORAA
E parau a te Atua te Bibilia, ua haapao maitai oia ia fanaˈo te taata i te reira.
Haamanaˈoraa
-
Eaha te auraa ia parauhia e ua aratai te Atua i te taata ia papai i te Bibilia?
-
Eaha ta oe i faahiahia no nia i te parururaahia, te huriraahia te Bibilia e te opereraahia?
-
Eaha to oe huru no nia i te Atua teie nei ua ite oe o vai o ˈna?
HIˈOPOA
A taio mea nafea te Bibilia i te papairaahia i nia i te mau otaro e te huriraa apî i muri iho.
“Mea nafea te Bibilia i te taeraa mai ia tatou?” (A ara mai na! Novema 2007)
A haapii mea nafea te Bibilia i te parururaahia i na e toru haafifiraa.
“Te Bibilia: Ua tae roa mai ia tatou” (Te Pare Tiairaa No 4 2016)
A hiˈo mea nafea te tahi mau taata i te faarururaa i te pohe no te huri i te Bibilia.
E rave rahi taime to te Bibilia papairaahia e huriraahia. E nafea e papu ai ia oe e aita te poroi a te Atua i tauihia?
“Ua taui aore ra ua faahuru-ê-hia anei te Bibilia?” (Tumu parau natirara)
a Mai tei faataahia i roto i te haapiiraa 07 o te puai ohipa te varua moˈa o te Atua.
E au atoa outou . . .
UIRAA A TE TAATA
Eaha te ravehia i te hoê haapiiraa Bibilia pûpûhia na te mau Ite no Iehova?
Maoti teie aparauraa Bibilia tamoni ore pûpûhia na te mau Ite no Iehova, nehenehe outou e faaohipa i ta outou iho Bibilia. A titau atoa mai i to outou utuafare aore ra hoa.
