Eaha ta te Bibilia e parau ra?
O te Atua anei te tumu o te mauiui?
Eaha ta oe e pahono?
E
E ere
Peneiaˈe
Ta te Bibilia e parau ra
“Eiaha roa te parau ino ra e hurihia ˈtu i te Atua! eiaha roa te Puaihope ia parauhia i te rave parau ino ra!” (Ioba 34:10) E ere roa ˈtu te Atua te tumu o te ino e te mauiui ta tatou e ite nei na te ao.
Eaha ˈtu â ta te Bibilia e haapii mai?
O Satani te Diabolo to muri mai i te rahiraa o te mau mauiui. O ˈna “te arii o teie nei ao.”—Ioane 14:30.
E pinepine, e tupu atoa te mauiui e te ino no te mau faaotiraa tano ore ta te taata e rave.—Iakobo 1:14, 15.
E ore anei te mauiui i te hoê mahana?
Te manaˈo ra vetahi E nehenehe te taata e faaore i te mauiui ia haa amui ratou. No te tahi atu, eita te tupuraa na te ao e maitai mai. Eaha to oe manaˈo?
Ta te Bibilia e parau ra
E faaore te Atua i te mauiui. “E ore roa te pohe, e te oto, e te mihi, e te mauiui, e ore atoa ïa.”—Apokalupo 21:3, 4.
Eaha ˈtu â ta te Bibilia e haapii mai?
E faaohipa te Atua ia Iesu no te faaore i te mauiui ta te Diabolo i faatupu.—Ioane 1, 3:8.
E ora te feia maitai ma te hau e a muri noa ˈtu i nia i te fenua.—Salamo 37:9-11, 29.
E au atoa outou . . .
HAAPIIRAA TUMU
No te aha te Atua e vaiiho noa ˈi te mauiui?
E rave rahi te ui nei no te aha mea rahi te ino e te mauiui na te ao nei. Te horoa ra te Bibilia i te hoê pahonoraa tamahanahana mau.
