E aratai te hoê haapiiraa hape i te tahi atu

“E ARA,” ta te aposetolo Paulo ïa i papai i te mau Kerisetiano i ora na i te tuhaa hopea o te senekele matamua. No te aha teie faaararaa? “O te riro noa ˈtu outou i te parau paari e te haavare faufaa ore a te hoê taata ˈtu, i te parau tutuu a te taata nei.”—Kolosa 2:8.

Mai te afaraa ˈtu o te piti o te senekele, noa ˈtu ta Paulo faaararaa, ua haamata vetahi mau Kerisetiano i te faaohipa i te mau manaˈo o te mau philosopho tahito no te faataa i ta ratou mau tiaturiraa. No te aha? Ia farii te feia ite o te hau emepera Roma ia ratou e ia rahi atu â te feia e taui i te haapaoraa.

I tiaturi na Justin, hoê o taua mau Kerisetiano tuiroo roa ˈˈe ra, e ua faaite te Auvaha a te Atua ia ˈna iho i te mau philosopho Heleni na mua roa ˈˈe i to ˈna taeraa mai i te fenua nei ei Iesu. No ˈna e no te mau orometua hoê â manaˈo, ua faatupu te ôraa te philosophia e te mau haapiiraa hape i roto i te Kerisetianoraa i teie huru haapaoraa ei mea faufaa mau no te taata atoa.

E mea rahi te taata tei apiti mai i te huru Kerisetianoraa a Justin. Ua  faatupu râ te fariiraa i te hoê haapiiraa hape i te tahi atu e i tei tiaturi-rahi-hia ra i teie mahana ei haapiiraa Kerisetiano. A faaau i ta te mau papai i muri nei e parau ra no nia i teie mau haapiiraa e ta te Bibilia e haapii mau ra.

[Faaiteraa i te fatu o te hohoˈa i te api 3]

Diabolo: Barrators—Giampolo/The Doré Illustrations For Dante’s Divine Comedy/Dover Publications Inc.; te mau melahi: Art Resource, NY; hohoˈa toru tahi: Museo Bardini, Florence