A feruri na e e titauhia ia tâpûhia oe no te tahi maˈi. E hinaaro iho â oe i te taote maitai roa ˈˈe. E ere anei ïa i te mea paari ia ite i ta ˈna i rave aˈenei?

E mea tia ia hiˈopoa atoa i te haapaoraa. Ia au hoi te reira e maitai ai to taairaa e te Atua aore ra eita. Ua taai-atoa-hia to oe a muri aˈe i ta oe haapaoraa.

Ua horoa Iesu i te tahi aratairaa e ite ai tatou i te haapaoraa mau. Ua na ô oia: ‘Te itea nei te mau raau atoa i to ˈna iho hotu mau.’ (Luka 6:44) A hiˈopoa ˈi i te tahi haapaoraa, eaha te hotu ta oe e ite ra? Te haafaufaa rahi ra anei te mau tia faaroo i te moni? Te pee ra anei to ratou mau taata i te mau faaueraa tumu Bibilia no nia i te tamaˈi, te haerea maitai e ino? E tia anei ia tiaturi i te tahi haapaoraa? A hiˈo ïa i to muri nei mau tumu parau.