2-тӥ азьпалзэ ивортон. Сютэм улон

«Сютэм аръёс... луозы» (МАРК 13:8).

● Сютэм улонлэсь пегӟыса, Кваратаги гуртэ (Нигер) пиосмурт лыктэ. Отчы ик лыкто солэн вынъёсыз но сузэръёсыз, озьы ик мукет ӵыжы-выжыосыз но. Но та пиосмурт соослэсь палэнын возиське. Малы? «Со семьязэ сюдыны уг быгаты, соин солы соослэн синмазы учкыны возьыт»,— валэктэ Сиди, гуртлэн тӧроез.

МАР СЯРЫСЬ ВЕРАЛО ФАКТЪЁС? Дунне вылын котькуд сизьыметӥез адями сютэм улэ. Сахаралэсь лымшор пала интыяськем шаеръёсын югдур эшшо но секытгес: отын котькуд куинетӥез адями сютэм улэ. Мар верало та лыдпусъёс? Пуктэ син азяды семьяез, кытын атай, анай но нылпи. Сиён тырме кык адямилы гинэ. Кин сютэм кылёз? Атай? Анай? Яке нылпи? Трос семьяос азьын таӵе юан кылдэ котькуд нунал.

ПУМИТ ВЕРАН. Музъем тырмыт сиён сётэ. Сое шонер кутӥд ке, со ваньмызлы тырмоз.

ОЗЬЫ-А СО? Зэмзэ но, али туж трос сиён потто. Кивалтӥсьёс быгатыны кулэ сиёнэз шонер кутыны, нокин но сютэм медаз улы шуыса. Но кӧня аръёс соос тыршо ини, сютэм улонэз соослэн быдтэмзы уг луы.

КЫЗЬЫ ТӤ МАЛПАСЬКОДЫ? Быдэсмо-а кылъёс, кудъёсыз гожтэмын Марклэсь 13:8? Технология удысын азинсконъёс лэсьтэмын ке но, адямиос азьвыл сямен сютэм уло кадь уг поты-а тӥледлы?

Музъемзурканъёс но сютэм улон эшшо одӥг шугадӟон ваё на, кудӥз озьы ик возьматэ, ми берпум аръёсы улӥськомы шуыса. Со шугадӟон сярысь верамын мукетаз статьяын.

[Ватсан]

«Пневмониялэсь, кӧтвиянлэсь но мукет висёнъёслэсь кулэм нылпиос пӧлысь 30 процентлэсь тросгес нылпиос улэп кыльыны быгатысалзы, соослэн тырмыт сиёнзы луысал ке» (ЭНН ВИНИМАН, ЮНИСЕФЛЭН АЗЬВЫЛ ИСПОЛНИТЕЛЬНОЙ ДИРЕКТОРЕЗ).

[Суред сярысь]

© Paul Lowe/Panos Pictures