مۇقەددەس يازمىلار ئۆزگەرتىلگەنمۇ؟
بەزى كىشىلەر مۇقەددەس يازمىلار ئۆزگەرتىۋېتىلگەن دەپ قارايدۇ. لېكىن، يەشايا پەيغەمبەر «خۇدايىمىزنىڭ سۆزى ئەبەدىي قالىدۇ»،— دېگەن (يەشايا 40:8). ئۇنداقتا، مۇقەددەس يازمىلارنىڭ ئۆزگەرتىلمەي ساقلىنىپ قالغانلىقىغا قانداق كۆز يەتكۈزەلەيمىز؟
ھەممىگە قادىر تەڭرىمىزنىڭ ئۆز سۆزىنى قوغداشقا كۈچ-قۇدرىتى يېتىدۇ. قەدىمدە پەيغەمبەرلەر خۇدانىڭ سۆزلىرىنى تېز چىرىپ كېتىدىغان ماتېرىياللارغا يازغان. شۇ دەۋىردە، مۇقەددەس يازمىلارنىڭ مەزمۇنىغا بىر نەرسە قوشۇش، ئۆزگەرتىش ياكى چىقىرىپ تاللاشنىڭ ئالدىنى ئېلىش ئۈچۈن، قولدا نۇسخا كۆچۈرگۈچىلەر ئېھتىياتچانلىق بىلەن ھەر بىر ھەرىپنى ساناپ چىققان ئىدى. بىراق، بۇ كۆچۈرگۈچىلەر نامۇكەممەل ئىنسانلار بولغاچ، بەزىلىرى كىچىك خاتالىقلارنى سادىر قىلغان. ئەمما، شۇ كىچىك خاتالىقلار مۇقەددەس يازمىلارنىڭ مەنىسىگە تەسىر كۆرسەتمىگەن.
مۇقەددەس كىتابنىڭ ئۆزگەرمىگەنلىكىنىڭ قانداق ئىسپاتلىرى بار؟
مۇقەددەس يازمىلارنىڭ مىڭلىغان قەدىمقى قوليازمىلىرى بار. ئەگەر مەلۇم بىر قوليازمىدا كىچىككىنە پەرق بولسا، شۇ قوليازمىدىكى كىرگۈزۈلگەن ئۆزگۈرۈشنى كۆرۈش ئۈچۈن ئۇنى باشقا قوليازمىلار بىلەن سېلىشتۇرۇشقا بولىدۇ. (بۇ ھەققىدە كۆپرەك بىلىش ئۈچۈن، jw.org تور بېكىتىدىكى «مۇقەددەس كىتاب ئۆزگەرتىلگەنمۇ ياكى بۇرمىلانغانمۇ؟» ناملىق ماقالىگە قاراڭ).
مەسىلەن، 1947-يىلى، ئۆلۈك دېڭىز بويىغا جايلاشقان ئۆڭكۈرلەردىن تېپىلغان «ئۆلۈك دېڭىز ئورام يازمىلىرى»نى كۆرۈپ باقايلى. ئاشۇ ئورام قوليازمىلار ئارىسىدا مۇقەددەس يازمىلارنىڭ بەزى قىسىملىرى بولۇپ، بۇنىڭدىن 2000 يىل بۇرۇن يېزىلغان ئىدى. تەتقىقاتچىلار بۇ قەدىمقى قوليازمىلارنى بۈگۈنكى كۈندىكى مۇقەددەس يازمىلار بىلەن سېلىشتۇرغان. ئۇلار قانداق يەكۈن چىقارغان؟
تەتقىقاتچىلار بۈگۈنكى كۈندىكى مۇقەددەس يازمىلارنىڭ مەزمۇنى بىلەن قەدىمقى قوليازمىلارنىڭ مەزمۇنى پۈتۈنلەي ماس كېلىدىغانلىقىنى بايقىغان a. شەك-شۈبھىسىزكى، ھەممىگە قادىر ياراتقۇچىمىز ئۆز سۆزى بولغان مۇقەددەس كىتابنىڭ بۈگۈنكى كۈنگىچە ئۆزگەرمەي، بىزگە يېتىپ كېلىشىگە كاپالەت قىلغان.
شۇڭا، بىز ھېچ گۇمانلانماي، ئىشەنچ بىلەن مۇقەددەس كىتابنى ئوقۇيالايدىغانلىقىمىزنى ئەستە تۇتقان ھالدا، ھەممىگە قادىر ئاللا ھەققىدە پەيغەمبەرلەرنىڭ نېمىنى ئېيتىپ بەرگەنلىكىنى كۆرۈپ باقايلى.
a The Complete Dead Sea Scrolls in English«، by Geza Vermes»، 16-بەت.
بۇلارغىمۇ قىزىقىشىڭىز مۇمكىن
«كۆزىتىش مۇنارى»
مۇقەددەس يازمىلارنىڭ مەزمۇنى ئۆزگەرتىشلەردىن ئامان قالغان
بەزى سەمىمىيەتسىز ۋە ئىشەنچسىز كىشىلەر مۇقەددەس يازمىلارنىڭ مەزمۇنىنى ئۆزگەرتىشكە ئۇرۇنغان. ئۇلارنىڭ ئۇرۇنۇشلىرى قانداق ئاشكارە قىلىنغان ۋە مەغلۇپ بولغان؟
مۇقەددەس كىتابنىڭ ئاساسىي تەلىملىرى
مۇقەددەس كىتاب خۇدادىنمۇ؟
مۇقەددەس كىتاب خۇدادىن كەلگەن بولسا، ئۇ باشقا ھەرقانداق كىتابتىن پەرقلىنىشى كېرەك.
