Olosamo 145:1-21
Ocisungo cesivayo ca Daviti.
א [Aleph]*
145 Ndi ka ku kemãlisa, A Suku yange, Soma yange,+Ndi ka sivaya onduko yove otembo ka yi pui.+
ב [Beth]
2 Eteke liosi ndi ka ku sivaya;+Ndi ka sivaya onduko yove otembo ka yi pui.+
ג [Gimel]
3 Yehova unene kuenda o sesamẽla esivayo liosi;+Unene waye ka u konomuisiwa.*+
ד [Daleth]
4 Ocitumbulukila locitumbulukila, ci ka sivaya ovopange ove;Vi ka sapula eci catiamẽla kovilinga viove viunene.+
ה [He]
5 Ovio vi ka vangula eci catiamẽla keposo liulamba wove,+Kuenda ndi ka sokolola kovopange ove a komõhisa.
ו [Waw]
6 Ovio vi ka vangula eci catiamẽla kovilinga viove vi komõhisa,*Kuenda ndi ka sapula unene wove.
ז [Zayin]
7 Vi ka vangula lesanju osimbu vi ivaluka uwa wove walua,+Kuenda vi ka kaluka lesanju omo liesunga liove.+
ח [Heth]
8 Yehova ukuacikembe kuenda ukuahenda,+O livala konyeño kuenda ukuacisola ca piãla haico ka ci pongoloka.+
ט [Teth]
9 Yehova uwa ku vosi,+Kuenda ohenda yaye yi limbukiwa kovopange aye osi.
י [Yod]
10 A Yehova, ovopange ove osi a ka ku sivaya,+Kuenda vana va ku kolela, va ka ku sivaya.+
כ [Kaph]
11 Ovo va ka sapula ulamba wuviali wove,+Kuenda va ka vangula eci catiamẽla kunene wove,+
ל [Lamed]
12 Oco va sapule komanu ovilinga viove viunene,+Kuenda eposo liulamba wuviali wove.+
מ [Mem]
13 Uviali wove, uviali umue wotembo ka yi pui,Kuenda uviali waco, u kala vokuenda kuovitumbulukila viosi.+
ס [Samekh]
14 Yehova o kuatisa vosi vana va kasi oku kupuka,+Kuenda o votola vosi vana va petama.+
ע [Ayin]
15 Ovaso osi a vandekela kokuove lelavoko;Ove o va ĩha okulia kuavo votembo ya sokiyiwa.+
פ [Pe]
16 Ove o yulula eka liove,Kuenda o tẽlisa olonjongole viovina viosi vi kasi lomuenyo.+
צ [Tsade]
17 Yehova ukuesunga kolonjila viaye viosi,+Kuenda ukuacili kovina viosi a linga.+
ק [Qoph]
18 Yehova o kasi ocipepi la vosi vana vo vilikiya,+La vosi vo vilikiya locili.+
ר [Resh]
19 Eye o tẽlisa onjongole ya vana vo sumbila;+Eye o yevelela oku liyula kuavo kuekuatiso kuenda o va popela.+
ש [Shin]
20 Yehova o lava vosi vana vo sole,+Pole, o ka kundula olondingaĩvi viosi.+
ת [Taw]
21 Omẽla wange u ka sapula esivayo lia Yehova;+Ovina viosi vi kasi lomuenyo, vi sivaye onduko yaye yi kola otembo ka yi pui.+
Atosi Pombuelo
^ Eyi oletala yatete yo ambesendaliu kelimi lio Heveru. Osamo eyi ya sonehiwa loku kuama ulala wo ambesendaliu.
^ Ale “ka u lomboloka.”
^ Ale “unene.”
