Olosapo 4:1-27
4 Amãla vange, yeveleli elungulo lia isiene;+Yeveleli oco vu kuati elomboloko,
2 Momo ndu ko wĩhi olonumbi viwa;Ko ka sipo elongiso* liange.+
3 Ame nda kala omõla umue uwa ku isiange+Kuenda nda soliwile calua la ina yange.+
4 Isiange wa ndongisa kuenda wa popia hati: “Amamako oku kapa olondaka viange vutima wove.+
Amamako oku pokola kovihandeleko viange kuenje o kala otembo yalua komuenyo.+
5 Kuata olondunge, kuata elomboloko.+
Ku ka ivaleko ovina nda popia kuenda ku ka vi yanduluke.
6 Ku ka siepo olondunge kuenje ovio vi ka ku teyuila.
Vi sola kuenda ovio vi ka ku lava.
7 Olondunge ovio ovina via velapo* vali o pondola oku kuata,+ omo liaco, kuata olondunge,Kovina viosi o kuete, vokiyako elomboloko.+
8 Vi velisapo kuenda ovio vi ku kemãlisa.+
Ovio vi ka ku ĩha ulamba omo wa vi tava lutima wosi.+
9 Olondunge vi ka kala ndolonelẽho via fina kutue wove;Olondunge vi ka ku posuisa lekolowa lieposo.”
10 Yevelela amõlange kuenda tava kolondaka viange,Kuenje anyamo omuenyo wove a ka lua.+
11 Ndi ka ku pindisila vonjila yolondunge;+Ndi ka ku songuila vonjila ya suñama.+
12 Eci wenda, olomãhi viove ka vi ka tatekiwa;Kuenda nda wa lupuka, ku ka lilondoka.
13 Kakatela kepindiso; ku ka li siepo.+
Li lava, momo li lomboloka omuenyo wove.+
14 Ku ka iñile vonjila yolondingaĩvi,Kuenda ku ka endele vonjila yomanu vakuevĩho.+
15 Yi yuvula, ku ka endelemo;+Tindukamo kuenda yi pitahãla.+
16 Momo ovo ka va tẽla oku pekela, te lika nda va linga eci cĩvi.
Ovo va pumba otulo nda ka va kokelele omunu umue oku kupuka.
17 Ovo va litekula lombolo yevĩho,Kuenda va nyua ovinyu yungangala.
18 Pole, onjila yukuesunga yi kasi ndoku tua kuocinyi komẽleOkuti, camamako oku tua toke ekumbi pongunji.+
19 Onjila yolondingaĩvi yi kasi ndowelema;Ovio ka via kũlĩhĩle eci ci va kokela oku lilondoka.
20 Amõlange yevelela kolondaka viange;Yevelela lutate* ovina ndi popia.
21 Ka vi ka ku nyelele;Amamako oku vi kapa vutima wove,+
22 Momo ovio omuenyo ku vana va vi sanga+Kuenda uhayele ketimba liavo liosi.*
23 Kovina viosi o lava, lavapo vali utima wove,+Momo kokuawo ku tunda olono viomuenyo.
24 Olombangulo vielimbi vi kale ocipãla love,+Kuenda amamako oku yuvula olondaka viesanda.
25 Ovaso ove a sukila oku vandekela kovaso,Ocili, tiamisila ovaso ove kovaso.+
26 Upa ovilondokua* vonjila yove,+Kuenje olonjila viove viosi vi ka kolapo.
27 Ku ka pambukile kondio ale kepĩli.+
Tindula olomãhi viove kueci cĩvi.
Atosi Pombuelo
^ Ale “ocihandeleko.”
^ Ale “ocina catete.”
^ Lit., “Vonguila etũi liove.”
^ Lit., “kositu yavo yosi.”
^ Ale pamue, “Kũlĩhĩsa lutate onjila o nõla.”
