Ovawe oku sula va enda oku talavaya la-o poku sula olomema oco vi linge osema yoku panga olombolo. Akãi kuenda olonalavayi, va enda oku talavaya lovawe aco oloneke viosi. Ocileñi covawe oku sula, ca siatele pokati komanu kosimbu.—Etundilo 11:5; Yeremiya 25:10.

Ovikuata vio Kegito vi lekisa ciwa ulandu waco. Olomema via enda oku kapiwa pewe li kasi ndocilindo, okuti pamue li tukuiwa okuti omuinyu yo sela. Omunu o sula o sukila oku kekama kolongolo ocipepi lewe kuenje lovoko avali o fetika oku seka olomema. Ulandu umue u lekisa okuti, ewe lioku seka lia lemele olokilu 2 ale 4. Nda ewe liaco va talavayele lalio nduta, kuenda va veta lalio omunu vutue, haico a fa.—Olonganji 9:50-54.

Oku seka olomema ca kuatele esilivilo lialua vepata okuti ocihandeleko ca pisile oku tambula ovawe oku sula ha a lingi onjekele. Elivulu Liesinumuĩlo 24:6 li lekisa okuti: “Ka ci tava oku tambula onjeke yovawe oku sula ndaño ewe liokilu, momo nda oco wa linga nda ca soka ndoku yekela omuenyo womunu.”

Embimbiliya li lekisa okuti Yesu wa kala “kumue la Isiaye.” (Yoano 1:18) Ondaka eyi yi tiamisiwila kocali kuenda kukamba Yesu a kuatele la Suku. Olondaka evi vi lekisa ocituwa va Yudea va kuamaile eci va lia.

Koloneke via Yesu, va Yudea va enda oku tumãla kolomangu via ñuala komesa. Omangu lomangu yi kapiwa lonjila yimue okuti ovolu a kala ocipãla lomesa osimbu okuti o kunameÞla kopetu lohokolua yokuokuo kuepĩli. Onjila yaco yoku tumãla ya enda oku ecelela okuti okuokuo kuondio ku lianja. Elivulu limue lia lombolola ndoco: Omo okuti ondalelo ya enda oku kapiwa kepĩli liaye ocipepi lukuavo, “utue womunu u kala ocipepi lonete yomunu o kasi konyima yaye, va enda oku popia hati, “oku liyeka vonete’ yukuavo.”

Oku liyeka ponete yusongui wepata ale yomunu wa kuyekisi kocipito cimue ca kala esumũlũho linene. Omo liaco, ko Paskoa ya sulako, “ondonge yina Yesu a sola” okuti upostolo Yoano wa kala ponete ya Yesu. Kuenje eye wa ponduile oku “kunameÞla ku Yesu” loku u pulisa.—Yoano 13:23-25; 21:20.