زبور 82:1-8
آسَف کا نغمہ۔
82 خدا اپنی جماعت میں کھڑا ہوتا ہے؛وہ خداؤں کے درمیان عدالت کرتا ہے* اور کہتا ہے:
2 ”تُم کب تک نااِنصافی سے عدالت کرتے رہو گےاور بُرے لوگوں کی طرفداری کرتے رہو گے؟ (سِلاہ)
3 ادنیٰ اور یتیم لوگوں کا دِفاع* کرو۔
بےسہارا اور کنگال لوگوں کا اِنصاف کرو۔
4 ادنیٰ اور غریب لوگوں کو بچاؤ؛اُنہیں بُرے لوگوں کے ہاتھ سے چھڑاؤ۔“
5 وہ* کچھ نہیں جانتے اور نہ ہی کچھ سمجھتے ہیں؛وہ اندھیرے میں چل رہے ہیں؛زمین کی تمام بنیادیں ہلائی جا رہی ہیں۔
6 ”مَیں نے کہا: ”تُم لوگ خدا ہو؛*تُم سب خدا تعالیٰ کے بیٹے ہو۔
7 لیکن تُم باقی اِنسانوں کی طرح مر جاؤ گےاور دوسرے حاکموں کی طرح ختم ہو جاؤ گے!““
8 اَے خدا! اُٹھ اور زمین کی عدالت کرکیونکہ ساری قومیں تیری ہیں۔
فٹ نوٹس
^ یا ”وہ اُن کے درمیان عدالت کرتا ہے جو خدا کی طرح ہیں۔“ غالباً یہاں اِسرائیل کے منصفوں کی بات کی جا رہی ہے۔
^ یا ”اِنصاف“
^ یعنی وہ خدا جن کا پہلی آیت میں ذکر کِیا گیا ہے۔
^ یا ”تُم لوگ خدا کی طرح ہو؛“
