بائبل سے مثالیں:‏

• لُو 20:‏37، 38‏—‏یسوع مسیح نے بتایا کہ مُردوں کا زندہ ہو جانا اِتنا پکا ہے کہ یہوواہ کی نظر میں یہ ایسے ہے جیسے مُردے زندہ ہو چُکے ہیں۔‏

• یوح 11:‏5، 6،‏ 11-‏14‏—‏جب یسوع مسیح کے دوست لعزر فوت ہو گئے تو یسوع مسیح نے موت کو نیند سے تشبیہ دی۔‏

• عبر 2:‏14، 15‏—‏پولُس رسول نے بتایا کہ بہت سے لوگ موت کے ڈر کی غلامی میں ہیں۔ لیکن ہمیں موت سے نہیں ڈرنا چاہیے۔‏

 بائبل سے مثالیں:‏

• بائبل میں نو ایسے واقعات ہیں جن میں مُردوں کو زندہ کِیا گیا۔ اِن میں سے آٹھ کو زمین پر ہی زندہ کِیا گیا۔ جن لوگوں نے اپنے کسی عزیز کو موت کے ہاتھوں کھویا ہے، اُنہیں یہ واقعات پڑھ کر بہت تسلی مل سکتی ہے اور مستقبل کے بارے میں ایک اچھی اُمید بھی۔‏

  • 1-‏سلا 17:‏17-‏24‏—‏ایلیاہ نبی نے صارپت کے شہر صیدا میں رہنے والی بیوہ کے بیٹے کو زندہ کر دیا۔‏

  • 2-‏سلا 4:‏32-‏37‏—‏اِلیشع نبی نے شونیم میں ایک لڑکے کو زندہ کِیا اور اُسے اُس کے ماں باپ کے حوالے کر دیا۔‏

  • 2-‏سلا 13:‏20، 21‏—‏ایک مُردہ شخص اِلیشع نبی کی ہڈیوں سے ٹکرانے سے زندہ ہو گیا۔‏

  • لُو 7:‏11-‏15‏—‏یسوع مسیح نے شہر نائین میں ایک بیوہ کے بیٹے کے جنازے کو گزرتے دیکھا اور اُنہوں نے اُس بیوہ کے بیٹے کو زندہ کر دیا۔‏

  • لُو 8:‏41، 42،‏ 49-‏56‏—‏یسوع مسیح نے ایک عبادت‌گاہ کے پیشوا یائیر کی بیٹی کو زندہ کر دیا۔‏

  • یوح 11:‏38-‏44‏—‏یسوع مسیح نے اپنے دوست لعزر کو زندہ کر دیا۔ اِس پر لعزر کی بہنیں مریم اور مارتھا بہت خوش ہوئیں۔‏

  • اعما 9:‏36-‏42‏—‏پطرس رسول نے ڈورکس کو زندہ کر دیا جنہیں لوگ اُن کی فراخ‌دلی کی وجہ سے بہت پیار کرتے تھے۔‏

  • اعما 20:‏7-‏12‏—‏پولُس رسول نے ایک جوان آدمی کو زندہ کِیا جو کھڑکی سے گِر کر فوت ہو گیا تھا۔ اُس کا نام یُوتِخُس تھا۔‏

• یہوواہ نے یسوع مسیح کو غیرفانی جسم کے ساتھ آسمان پر زندہ کِیا جس سے خدا کے اُن وعدوں کے پورا ہونے کی ضمانت مل گئی جو اُس نے مستقبل کے بارے میں کیے ہیں۔‏

  • اعما 17:‏31؛‏ 1-‏پطر 3:‏18

• یسوع مسیح وہ پہلے شخص تھے جنہیں آسمان پر زندہ کِیا گیا اور غیرفانی زندگی دی گئی۔ لیکن اُن کے بعد خدا کچھ اَور لوگوں کو بھی آسمان پر زندہ کر کے غیرفانی زندگی دے رہا ہے۔ اِن لوگوں کی تعداد 1 لاکھ 44 ہزار ہے۔‏

  • 1-‏کُر 15:‏20،‏ 23،‏ 51-‏53؛‏ 1-‏تھس 4:‏16، 17؛‏ مُکا 14:‏1