Ҳикматлар 30:1–33
30 Ёқенинг ўғли Ағурнинг Ител билан Ўхалга айтган ҳикматли сўзлари.
2 Ҳаммадан энг билимсизи менман+,Инсонларга хос фаҳм-фаросатга ҳам эга эмасман.
3 Доноликка ўрганмаганман,Энг Муқаддас Зот ҳақида ҳам билим олмаганман.
4 Осмонга кўтарилиб, қайта тушган ким?+
Шамолни ҳовучига йиққан ким?
Сувни кийимига ўраб олган ким?+
Ернинг чегараларини белгилаб қўйган ким?+
Унинг исмини биласанми? Ўғлининг исмини-чи?
5 Аллоҳнинг барча сўзлари софдир*+.
Унда паноҳ топганлар учун У қалқондир+.
6 Унинг сўзларига ҳеч нарса қўшма+,Йўқса, У сенга танбеҳ бериб,
Ёлғончи эканингни фош этади.
7 Эй Тангрим, Сендан иккита ўтинчим бор.
Токи тирик эканман уларни мендан дариғ тутма.
8 Мендан ноҳақлик билан ёлғонни узоқлаштир+.
Менга камбағаллик ҳам, бойлик ҳам берма.
Фақат ризқ-рўзимни берсанг бўлгани+.
9 Токи тўқликдан Сендан воз кечиб: «Яҳова Ўзи ким?!» — демайин+.
Қашшоқлик дастидан ўғрилик қилиб, Тангрим исмига ҳам иснод келтирмайин.
10 Қарғишга қолиб, айбдор бўлмаслигинг учун,Хўжайини олдида хизматкорига туҳмат қилма+.
11 Насл борки, отасини қарғаб,Онасини ҳурмат қилмайди+.
12 Насл борки, ифлослигидан* тозаланмай,Ўзини пок ҳисоблайди+.
13 Насл борки, ўзини баланд тутиб,Ҳеч кимни назар-писанд қилмайди+.
14 Насл борки, тишлари қиличдай,Жағлари ханжардайдир.Улар ер юзидаги мазлумларни,Инсонлар орасидаги бечораларни ямламай ютади+.
15 Зулукнинг: «Бер! Бер!» — дейдиган иккита қизи бор.
Тўймайдиган учта нарса,«Етади!» — демайдиган тўртта нарса бор.
16 На мозор*+, на бепушт аёл,На сувга ташна қақраган ер,На олов ҳеч қачон: «Етади!» — деб айтмайди.
17 Отасини масхара қилиб, онасига бўйин эгмаганнинг+ кўзини,Водийдаги қузғунлар чўқийди,Бургут болалари ейди+.
18 Ақлим етмайдиган* учта нарса,Мен тушуна олмайдиган тўртта нарса бор:
19 Бургутнинг самодаги,Илоннинг қоядаги,Кеманинг очиқ денгиздаги йўли,Ҳамда қизнинг кўнглини топган йигитнинг йўли.
20 Зинокор аёлнинг йўли мана бундай:
У еб бўлгач, оғзини артади-да:«Ёмон иш қилганим йўқ-ку!»+ — дейди.
21 Ерни ларзага келтирадиган учта нарса,У дош бера олмайдиган тўртта нарса бор:
22 Қулнинг шоҳ бўлиб ҳукм суриши+,Аҳмоқнинг овқати сероб бўлиши,
23 Севилмаган аёлнинг турмушга чиқиши,Чўри ўз бекасининг ўрнини эгаллаши+.
24 Қуйидаги тўртта жонзот дунёда энг кичик,Аммо табиатан донодир+:
25 Чумоли заиф бўлса-да,Озиғини ёзда жамлайди+.
26 Қоя дамани*+ ҳам камқувватдир,Бироқ инини қояга қуради+.
27 Чигирткаларнинг+ подшоҳи йўқ,Аммо бари саф тортиб, олға босади+.
28 Калтакесак*+ чирмашиб юрса-да,Ҳатто шоҳ саройига ҳам кириб боради.
29 Қадами маҳобатли учта жонивор,Юриши салобатли тўртта жонзот бор:
30 Шер йиртқичлар орасида энг кучлисидир,У ҳеч бир тирик жон олдида чекинмайди+.
31 Ов ити* ва такаҲамда ўз қўшини бошида турган шоҳ.
32 Ақлсизлик қилиб ўзингни юксалтирсанг+,Ёхуд кўнглингдан ёмон ният кечса,Қўлинг билан оғзингни ёп+.
33 Сутни чайқатса ёғ чиқади,Бурунга урса қон оқади,Жаҳлни қўзғатса жанжал кўтарилади+.
Изоҳлар
^ Ёки «оловда синалган».
^ Сўзма-сўз «нажасидан».
^ Ёки «Мени ҳайратда қолдирадиган».
^ Қояларда яшовчи қуёнсимон ҳайвон.
^ Яъни геккон.
^ Ёки «този».
