Байтил экскурсиялари
Сизни чин юракдан Байтил деб аталадиган филиалларимиз экскурсияларига таклиф қиламиз. Айрим филиалларимизда ўзингиз томоша қилишингиз мумкин бўлган кўргазмалар ҳам бор.
Экскурциялар бошланди. Кўп мамлакатларда 2023 йил 1 июндан бошлаб филиалларимизда яна экскурциялар ўтказилиши йўлга қўйилди. Батафсил маълумот олишни истасангиз, сиз ташриф буюрмоқчи бўлган филиалга мурожаат қилинг. Агар сизда COVID-19 тести ижобий чиққан бўлса, шамоллаш ва грипп белгилари кузатилаётган бўлса, COVID-19 тести ижобий чиққан киши билан яқин орада мулоқотда бўлган бўлсангиз, илтимос, экскурцияга ташриф буюрманг.
Америка Қўшма Штатлари
Ушбу саҳифада
Экскурсия ҳақида маълумот
Экскурсиялар
Уорвикдаги мустақил томоша қилинадиган кўргазмалар
Муқаддас Китоб ва Худонинг исми. Ушбу кўргазмада ноёб Муқаддас Китоблар кўрсатилади ва Каломдан Худонинг исмини олиб ташлашга ҳаракат қилинганига қарамай, у қандай қилиб сақлаб қолинганига урғу берилади. Кўргазма, шунингдек, айланма галереяни ҳам ўз ичига олади. Унда қўшимча ноёб Муқаддас Китоблар ва у билан боғлиқ артефактлар ўрин олган.
Яҳованинг исми билан аталган халқ. Ушбу кўргазма Яҳова Шоҳидларининг тарихи ва маънавий мероси билан таништиради. Унда кўрсатилган экспонатлар қандай қилиб Яҳова Ўз иродасини амалга ошириш учун халқини қадамма-қадам йўналтирганини, таълим берганини ва ташкиллаштирганини тушунишга ёрдам беради.
Халқаро бош идора. Фаол имон. Ушбу интерфаол кўргазмада Етакчи кенгаш қўмиталари Яҳованинг халқига йиғилишларни ўтказишда, шогирд орттиришда, маънан озиқланишда ва бир-бирларига севгини намоён этишда қандай ёрдам бериши ҳақида сўз юритилади.
Паттерсондаги ўзингиз томоша қилишингиз мумкин бўлган кўргазмалар
Биринчи асрдаги қишлоқлар. Исо ер юзида яшаганида ҳаёт қандай бўлгани билан ҳеч қизиқиб кўрганмисиз? Биринчи асрдагига монанд қилиб ясалган қишлоқда ўша пайтдаги одамларнинг кундалик ҳаётини кузатишингиз ва ҳатто унда қатнашишингиз мумкин. Бу кўргазма Муқаддас Китобни ўқиш жараёни янада жонли бўлишига ёрдам беради.
Тангалар намойиши. Бу кўргазмада Юнонча ёзувларда тилга олинган биринчи асрдаги тангаларнинг асл нусхалари келтирилган. Ҳар бир тангага тегишли маълумотда қизиқарли тафсилотлар ва улар Муқаддас Китоб баёнотлари билан қандай боғлиқ экани айтилган.
«Барча ўғилларинг Яҳовадан таълим олади». Ушбу кўргазмада ташкилотимиздаги мактаблар ва таълим бериш дастурларининг тарихи ёритилган. Бу мактаблар хизмат қилишга тайёр бўлганларга таълим беришда ва чўпонлик қилишда муваффақиятга эришишларига қандай ёрдам берганини билиб олинг.
«Хушхабарни ҳимоялаш ва қонунийлаштириш». Бу кўргазмада ҳатто кучли таъқибларга қарамай, имонида маҳкам турган Яҳова Шоҳидларининг таъсирли ҳикоялари келтирилган. Дунё бўйлаб ваъзгўйлик фаолиятини қонуний тарзда олиб бориш учун ташкилотимиз нималар қилганини билиб олинг.
Манзил ва телефон рақами
Сизни қизиқтириши мумкин
БАЙТИЛДАГИ ҲАЁТ
Қўшма Штатларидаги Байтилга хуш келибсиз!
Экскурсиялар Яҳова Шоҳидларининг умумжаҳон Бош идораси ва Қўшма Штатларидаги филиалларда ўтказилади.