Vahiy 3:1-22
3 Sardidagi jamoatning farishtasiga ham yoz: “Xudoning yettita ruhiga+ va yettita yulduziga+ ega bo‘lgan zot shunday demoqda: “Sening ishlaringni bilaman, go‘yo tirik degan noming bor, lekin o‘liksan+.
2 Bedor bo‘l+ va zo‘rg‘a tirik qolganlarni qo‘llab-quvvatla. Zero Alloh oldida ishlaring yakuniga yetmaganini aniqladim.
3 Shuning uchun olgan, eshitgan narsalaringni yodda tutib, ularni saqla va tavba qil+. Agar uyg‘oq bo‘lmasang, sening oldingga o‘g‘ri kabi kelaman+ va qaysi vaqtda kelganimni bilmay qolasan+.
4 Biroq Sardida kiyimlarini bulg‘amagan+ ba’zi odamlar bor. Ular men bilan oq kiyimlarda yurishadi+, chunki ular bunga loyiq.
5 G‘alaba qozonayotgan kishi+ oq libos kiyadi+ va men uning ismini hayot kitobidan+ o‘chirib tashlamayman, aksincha, Otam va farishtalar oldida nomini tan olaman+.
6 Muqaddas ruh jamoatlarga nima deyayotganini qulog‘i borlar eshitsin”.
7 Filadelfiyadagi jamoatning farishtasiga ham yoz: “Muqaddas+ va haq+, Dovudning kalitiga ega bo‘lgan+, kalit bilan ochgan eshiklarini hech kim bekita olmaydigan, bekitganini esa hech kim ocholmaydigan zot shunday demoqda:
8 “Men sening ishlaringni bilaman (hech kim bekita olmaydigan eshikni sening oldingda ochdim)+: kuching ko‘p bo‘lmasa-da, so‘zimni saqlab, ismimdan voz kechmading.
9 Shayton yig‘inidan* bo‘lganlarni va yahudiy bo‘lmay turib+, o‘zlarini yahudiy deya yolg‘on gapiradiganlarni oldingga keltirib, senga ta’zim qilishga majburlayman va shunda ular men seni sevganimni bilib olishadi.
10 Mening sabr-toqatim haqidagi kalomni mahkam ushlaganing uchun*+, yer yuzida yashovchilar ustidan sinov o‘tkazilayotgan paytda seni asrayman+.
11 Men tezda kelaman+. O‘zingda bor bo‘lganni mahkam ushla, toki hech kim sendan tojingni tortib olmasin+.
12 Zafar qozonayotganni Allohimning ma’badida ustun qilib qo‘yaman. U hech qachon u yerdan tashqariga chiqmaydi. Uning ustiga Xudoyimning ismini+, Tangrim shahrining, ya’ni Xudoyimdan tushayotgan Yangi Quddusning nomini+ va yangi ismimni yozib qo‘yaman+.
13 Muqaddas ruh jamoatlarga nima deyayotganini qulog‘i borlar eshitsin”.
14 Laodikiyadagi jamoatning+ farishtasiga ham yoz: “Omin+, ishonchli va haqiqiy+ shohid+, Xudoning ijodlaridan birinchisi+ shunday aytmoqda:
15 “Sening ishlaringni bilaman, sen na sovuq, na issiqsan. Men esa sening yo sovuq, yo issiq bo‘lishingni xohlar edim.
16 Issiq ham+, sovuq ham emas+, balki iliq bo‘lganing uchun seni og‘zimdan chiqarib yuborishga tayyorman.
17 “Men boyman+, boyib ketdim, ortiq menga hech narsa kerak emas”,— deysan-u, ammo baxtsiz, achinarli ahvolda, kambag‘al, ko‘r va yalang‘och ekaningni bilmas ekansan.
18 Senga maslahatim shu: boyib ketish uchun mendan o‘tda toblangan oltin, yalang‘ochliging oshkor bo‘lib uyatga qolmasliging uchun+ oq libos, ko‘rishing uchun+ ko‘zga surtadigan malham+ sotib ol.
19 Menga aziz bo‘lgan barchaga tanbeh berib, tarbiya qilaman+. Shunday ekan, g‘ayratli bo‘l va tavba qil+.
20 Mana, men eshik oldida turib taqillatyapman. Kimki ovozimni eshitib eshikni ochsa men uning uyiga kiraman. Men u bilan va u men bilan kechlikni baham ko‘radi.
21 G‘olibga+ men bilan taxtimda o‘tirishga ruxsat beraman+. Chunki men ham g‘alaba qozonib, Otam bilan Uning taxtiga o‘tirdim+.
22 Muqaddas ruh jamoatlarga nima deyayotganini qulog‘i borlar eshitsin”».
Izohlar
^ So‘zma-so‘z «sinagogasidan». Lug‘atdagi «ibodatxona» so‘ziga q.
^ Boshqa variant «sabr-bardosh borasida ko‘rsatgan o‘rnagimga ergashganing uchun».
