Vahiy 7:1-17
7 Shundan so‘ng yerning to‘rt tarafida turgan to‘rtta farishtani ko‘rdim. Ular yerga, dengizga va hech bir daraxtga shamol esmasin deya, yerning to‘rt shamolini ushlab turishardi.
2 Kunchiqar tarafdan ko‘tarilayotgan yana bir farishtani ko‘rdim. Uning qo‘lida barhayot Xudoning muhri bor edi. Bu farishta, yer va dengizga zarar yetkazish topshirilgan to‘rtta farishtaga baland ovozda shunday deya qichqirdi:
3 «Allohimiz qullarining peshonasiga+ muhr bosmagunimizcha+ yerga ham, dengizga ham, daraxtlarga ham zarar yetkazmanglar».
4 Men muhr bosilgan kishilarning soni 144 000 ekanini+ eshitdim. Ular Isroil o‘g‘illarining har bir qabilasidan edi+.
5 Yahudo qabilasidan 12 000 kishi muhrlangan edi.Ruben qabilasidan 12 000,Gad qabilasidan 12 000,
6 Osher qabilasidan 12 000,Naftali qabilasidan 12 000,Manashe+ qabilasidan 12 000,
7 Shimo‘n qabilasidan 12 000,Levi qabilasidan 12 000,Issaxor qabilasidan 12 000,
8 Zabulun qabilasidan 12 000,Yusuf qabilasidan 12 000,Benyamin qabilasidan 12 000 kishi muhrlangan edi.
9 Shundan keyin qaradim-u, har bir millatdan, qabiladan, xalqdan va tildan bo‘lgan, hech kim sanay olmaydigan ulkan olomonni ko‘rdim+. Ular uzun oq kiyimda+, qo‘llarida palma novdalarini ushlab+, taxt va Qo‘zining qarshisida turishardi.
10 Ular baland ovozda shunday deya xitob qilishardi: «Najotimiz uchun taxtda o‘tirgan Xudoyimizdan+ hamda Qo‘zidan+ qarzdormiz».
11 Barcha farishtalar taxt, oqsoqollar+ va to‘rtta jonzot atrofida turishardi. Ular taxt oldida yuztuban tiz cho‘kib Allohga sajda qilib,
12 shunday deyishardi: «Omin! Hamd-u sano, shon-shuhrat, donolik, shukrona, sharaf va kuch-qudrat abadulabad Tangrimizga tegishlidir+. Omin».
13 Shu payt oqsoqollardan biri mendan so‘radi: «Uzun oq kiyim kiygan+ bu odamlar kim va qayerdan kelishgan?»
14 Men darhol unga javob berib: «Hazratim, buni siz bilasiz»,— dedim. U esa menga shularni aytdi: «Bu kishilar buyuk musibatdan+ chiqib kelayotganlardir. Ular kiyimlarini Qo‘zining qonida yuvib oqartirganlar+.
15 Shu sababli ular Xudoning taxti oldida turib, Uning ma’badida tun-u kun muqaddas xizmatni ado etishyapti. Taxtda O‘tirgan+ esa chodirini ularning ustiga yoyadi+.
16 Ular boshqa och qolmaydilar ham, chanqamaydilar ham. Na quyosh, na biron-bir jazirama ularni qizitadi+.
17 Chunki taxt yonidagi Qo‘zi+ ularni boqadi+ va obi hayot buloqlariga+ olib boradi. Xudo ularning ko‘zlaridan har bir yoshni artib oladi»+.
