Zabur 41:1-13
Ijrochilar rahbari uchun ko‘rsatma. Dovud sanosi.
41 Bechoraga yordam qo‘lini cho‘zgan inson baxtlidir+,Musibat kuni Yahova bunday kishini qutqaradi.
2 Yahova uni himoya qilib, jonini omon saqlaydi.
U yer yuzida baxtli inson deya ataladi+,Sen hech qachon uni dushmanlarining qo‘liga topshirib qo‘ymaysan+.
3 Kasal bo‘lganida Yahova uni qo‘llab-quvvatlaydi+,To‘shakda xasta bo‘lib yotganda, Sen unga g‘amxo‘rlik qilasan.
4 Shu bois: «Menga iltifot ko‘rsatgin, ey Yahova+.
Menga shifo bergin+, chunki Senga qarshi gunoh qildim»+,— deb aytdim.
5 Dushmanlarim bo‘lsa menga yomonlik tilab:
«U qachon o‘lib, nomi o‘chib ketar ekan?» — deydi.
6 Birortasi mendan hol so‘rab kelsa, qalbiga yolg‘on so‘zlashni tugib keladi.
U menga qarshi gapirishga shaylanadi,So‘ng tashqariga chiqib, buni hammaga tarqatadi.
7 Mendan nafratlanadiganlar o‘zaro pichirlashib,Shunday deya menga qarshi reja tuzadi:
8 «U baloga yo‘liqdi.Mana, u qaytib turmaydigan bo‘lib yotibdi»+.
9 Hatto men bilan ahil bo‘lgan, men ishongan+,Non-tuzimni totgan kishi menga qarshi tovonini ko‘tardi*+.
10 Ammo Sen, ey Yahova, menga iltifot ko‘rsatib, o‘rnimdan turg‘iz,Toki ularning qilmishlariga yarasha qaytaray.
11 Dushmanlarim ustimdan zafar qozona olmasa+,
Mendan mamnun ekaningni shundan bilib olaman.
12 Benuqson bo‘lganim bois, meni qo‘llab-quvvatlab kelding+,Huzuringda meni toabad turg‘izasan+.
13 Isroil shohi Yahovaga hamd-u sano bo‘lsin!U abadulabad madh etilsin!+
Omin, omin.*
