Vhe vha vha vhe Ṱhanzi dza Yehova dzo lovhedzwaho, fhedzi vhane vha sa tsha ṱanganela kha mushumo wa u huwelela, khamusi vha litsha u konana na vhatendi ngavho, a vha iledzwi. Zwi re zwone ndi uri ri ya khavho nahone ra lingedza vusulusa dzangalelo ḽavho ḽa muya.

 A ri sokou bvisa tshivhidzoni muthu ane a ita tshivhi tshihulwane. Naho zwo ralo, arali muthu ane a vha Ṱhanzi yo lovhedzwaho a vha na dzema ḽa u pfuka milayo ya Bivhili ya matshilele nahone a sa rembuluwe, onoyo muthu u ḓo iledzwa kana a bviswa tshivhidzoni. Bivhili i bula nga hu pfalaho uri: “Bvisani muvhi vhukati haṋu inwi vhaṋe.”—1 Vha-Korinta 5:13.

 Hu pfi mini arali ha bviswa munna, fhedzi mufumakadzi wawe na vhana vha ḓi dzula vhe Ṱhanzi dza Yehova? Mbofho dza zwa vhurereli dze a vha e nadzo na muṱa wawe dzi a shanduka, fhedzi vhushaka hawe na muṱa a vhu shanduki. U bvela phanḓa na vhushaka ha mbingano na nḓila ye a vha a tshi funa ngayo muṱa na u shumisana nawo.

 Vhathu vho bviswaho tshivhidzoni vha nga ḓa kha tshumelo dzashu dza vhurereli. Arali vha tshi zwi funa, vha nga dovha vha ṋewa nyeletshedzo ya lwa muya nga vhahulwane vha tshivhidzo. Tshipikwa ndi u thusa muthu muṅwe na muṅwe uri a dovhe a fanelee u vha muṅwe wa Ṱhanzi dza Yehova. Vhathu vho bviswaho tshivhidzoni vhane vha landula vhuḓifari vhu songo teaho nahone vha sumbedza zwi tshi bva mbiluni uri vha tama u tshila nga zwilinganyo zwa Bivhili, vha a dovha vha ṱanganedzwa uri vha vhe miraḓo ya tshivhidzo.