Vhurifhi Ha U Thoma Vhu Yaho Kha Timotheo 5:1-25
5 U songo halifhela vhanna vhahulwane,+ fhedzi u ambe navho vhunga khotsi, vhanna vhaṱuku u ambe navho vhunga vharathu,
2 vhafumakadzi vhahulwane vhunga vhomme, vhafumakadzi vhaṱuku u ambe navho vhunga khaladzi, u tshi vha ṱhonifha zwihulu.
3 Ṱhogomela* tshilikadzi dzine dza shaya.*+
4 Arali tshilikadzi i na vhana kana vhaḓuhulu, vha fanela u thoma vha guda u ḓikumedzela kha Mudzimu nga u ṱhogomela miṱa yavho.+ Vha fanela u ṋea vhabebi vhavho na vhomakhulu wavho zwo vha fanelaho,+ ngauri zwenezwi zwi takadza Mudzimu.+
5 Tshilikadzi ine ya shaya, i si na ane a i ṱhogomela, i fhulufhela Mudzimu,+ i dzula i tshi humbela na u rabela vhusiku na masiari.+
6 Fhedzi tshilikadzi ine ya tshilela u fusha nyemulo* dzayo, yo fa naho i tshi kha ḓi tshila.
7 Bvela phanḓa u tshi ṋea tshilikadzi yeneyi milayo, uri dzi si solisee.
8 Ane a sa ṱhogomele muṱa wawe, zwihuluhulu vhane a dzula navho, o landula lutendo, ndi muvhi u fhira a si na lutendo.+
9 Tshilikadzi ine ya fanela u ṅwaliswa kha vhane vha fanela u thusiwa, i fanela u vha yo no vha na miṅwaha ya 60, i vhe yo vha i na munna muthihi,
10 i tshi ḓivhelwa mishumo mivhuya,+ yo alusa vhana zwavhuḓi,+ u ṱanganedza vhaeni,+ u ṱanzwa milenzhe ya vhakhethwa,+ u thusa vha re maṱunguni+ na u ḓikumedzela kha mishumo mivhuya yoṱhe.
11 Fhedzi u songo ṅwalisa tshilikadzi dzine dza kha ḓi vha vhaswa, ngauri lutamo lwa zwa vhudzekani lu ḓo dzi thithisa kha u shumela Kristo, zwa ita uri dzi ṱoḓe u vhingwa.
12 Dzi ḓo vha na mulandu ngauri a dzo ngo fhulufhedzea kha zwe dza zwi fhulufhedzisa.
13 Zwiṅwe hafhu, dzi a bvafha, dzi sokou tshimbila na miḓi, dzi dovha dza vha na zwitshele, dzi ḓidzhenisa kha mafhungo a vhaṅwe,+ dzi tshi amba na zwithu zwine dza si fanele u zwi amba.
14 Ndi ngazwo ndi tshi tama uri tshilikadzi dzine dza kha ḓi vha vhaswa dzi vhingwe,+ dzi vhe na vhana,+ dzi ṱhogomele zwa muṱani, uri dzi si ṋee ane a pikisa tshiitisi tsha u ri amba luvhi.
15 Ngauri dziṅwe dzo no ḓi shanduka dza tevhela Saṱhane.
16 Arali mufumakadzi ane a vha mutendi e na mashaka a dzitshilikadzi, kha dzi thuse uri tshivhidzo tshi si lemedzwe. Ndi hone tshivhidzo tshi tshi ḓo kona u thusa tshilikadzi dzi shayaho.*+
17 Vhahulwane vhane vha ranga phanḓa zwavhuḓi+ vha ṱhonifhiwe zwihulu,+ zwihuluhulu vhane vha shuma nga maanḓa kha u amba na u funza.+
18 Ngauri luṅwalo lu ri, “U songo thivha kholomo mulomo musi i tshi khou fhula thoro,”+ na uri, “Mushumi u fanela u ṋewa malamba awe.”+
19 U songo tenda muhulwane a tshi pomokwa, arali hu si na ṱhanzi mbili kana tharu.+
20 Vhathu vhane vha dzula vha tshi ita tshivhi+ u vha kaidze+ phanḓa ha vhoṱhe, uri zwi vhe tsevho kha vhoṱhe.*
21 Ndi a u laya phanḓa ha Mudzimu na Kristo Yesu na vharuṅwa vho nangwaho uri u tevhedze zwe nda u laya u si na luvhengelambiluni kana tshiṱalula.+
22 U songo ṱavhanya wa vhea muthu zwanḓa;+ kana u ṱanganela kha zwivhi zwa vhaṅwe; u dzule wo kuna.
23 U songo tsha nwa maḓi fhedzi, u nwe na waininyana uri i u thuse thumbuni ngauri u dzulela u lwala.
24 Zwivhi zwa vhaṅwe zwi a ḓivhiwa nga vhathu, zwa ita uri vha haṱulwe nga u ṱavhanya, fhedzi zwa vhaṅwe zwi vhonala nga murahu.+
25 Nga nḓila i fanaho, na mishumo yavhuḓi ine ya ḓivhiwa nga vhathu+ na i sa ḓivhiwi nga vhathu i ḓo vhonala.+
Ṱhaluso dzi re magumoni a siaṱari
^ Thevhedz., “Hulisa.”
^ Dzi si na ane a dzi ṱhogomela.
^ Khamusi zwi ambela kha lutamo lwa zwa vhudzekani.
^ Dzi si na ane a dzi ṱhogomela.
^ Thevhedz., “uri vhoṱhe vha ofhe.”
