Dotoronomio 34:1-12
34 Mushe a takuwa midavhini ya sogani ḽa Moaba a gonya Thavha ya Nebo+ i re ṱhodzini ya thavha ya Pisiga+ yo livhanaho na Yeriko.+ Yehova a mu sumbedza shango ḽoṱhe, u bva Giḽiada u swika Dani,+
2 na ḽoṱhe ḽa Nafutali, shango ḽa Efuraimi na ḽa Manase na shango ḽoṱhe ḽa Yuda u swika lwanzheni lwa vhukovhela,*+
3 a mu sumbedza na Negebe+ na Tshiṱiriki tsha Yorodane,+ govhani ḽa Yeriko, une wa vha muḓi wa miri ya mitshevho u swika Tsowari.+
4 Yehova a amba nae a ri: “Heḽi ndi ḽone shango ḽe nda anela Abrahamu, Isaka na Yakobo nda ri: ‘Ndi ḓo ḽi ṋea vhana* vhau.’+ Ndo u tendela u tshi ḽi vhona nga maṱo au, fhedzi a u nga wetsheli khaḽo.”+
5 Nga murahu ha zwenezwo, Mushe mushumeli wa Yehova a fela henefho shangoni ḽa Moaba sa zwe Yehova a amba.+
6 A mu vhulunga henefho govhani shangoni ḽa Moaba, ho livhanaho na Bethe-peoro, a hu na muthu ane a ḓivha hune vhiḓa ḽawe ḽa vha hone u swika na ṋamusi.+
7 Mushe o fa e na miṅwaha ya 120.+ Maṱo awe o vha a tshi kha ḓi vhona zwavhuḓi, a tshi kha ḓi vha na nungo.
8 Vhathu vha Isiraele vha lilela Mushe maḓuvha a 30 vhe midavhini ya sogani ḽa Moaba.+ Maḓuvha a u lilela Mushe a vhuya a fhela.
9 Yoshua murwa wa Nunu o vha o ḓala muya wa vhuṱali, ngauri Mushe o vha o vhea zwanḓa zwawe khae;+ Vhaisiraele vha mu thetshelesa vha ita zwe Yehova a laya Mushe.+
10 Fhedzi a ho ngo tsha dovha ha vha na muṅwe muporofita Isiraele ane a nga Mushe,+ we Yehova a vha a tshi mu ḓivha zwavhuḓi.+
11 O ita zwiga zwoṱhe na vhuṱolo zwe Yehova a mu ruma uri a zwi ite shangoni ḽa Egipita kha Farao na vhashumeli vhawe vhoṱhe na kha shango ḽawe ḽoṱhe,+
12 Mushe o ita mishumo ya maanḓa na zwithu zwi mangadzaho, Vhaisiraele vhoṱhe vha tshi zwi vhona.+
