Dziphisalema 25:1-22
Phisalema ya Davida.
א [Aleph]
25 Ndi ḓa kha Iwe Yehova.
ב [Beth]
2 Mudzimu wanga, ndi fhulufhela iwe;+U songo tenda ndi tshi shoniswa.+
U songo tenda maswina anga a tshi ntsea.+
ג [Gimel]
3 Vhoṱhe vhane vha u fhulufhela a vha nga shoni,+Hu ḓo shona vhane vha ita tshimbevha vha si na tshiitisi.+
ד [Daleth]
4 Iwe Yehova, nḓivhise nḓila dzau;+Mpfunze nḓila dzau.+
ה [He]
5 Ntshimbidze ngohoni yau, u mpfunze,+Ngauri u Mudzimu wanga wa u tshidza.
ו [Waw]
Ndi u fhulufhela maḓuvha oṱhe.
ז [Zayin]
6 Iwe Yehova, humbula uri u a khathutshela na uri u na lufuno lu sa shanduki,+Zwe wa dzula u tshi zwi sumbedza.*+
ח [Heth]
7 Iwe Yehova, u songo humbula zwivhi zwanga zwa musi ndi tshee muswa na vhutshinyi hanga.
Nkhumbule u ya nga lufuno lwau lu sa shanduki,+Nga nṱhani ha vhuḓi hau.+
ט [Teth]
8 Yehova ndi wavhuḓi, o luga.+
Ndi ngazwo a tshi gudisa vhaitazwivhi u fara nḓila yo lugaho.+
י [Yod]
9 U ḓo livhisa vho vuḓaho kha zwo lugaho,+U ḓo funza vho vuḓaho nḓila yawe.+
כ [Kaph]
10 Nḓila dzoṱhe dza Yehova ndi dza lufuno lu sa shanduki, dzi a fhulufhedzeaKha vhane vha tevhedza mulanga+ wawe na khumbudzo+ dzawe.
ל [Lamed]
11 Iwe Yehova, nga nṱhani ha dzina ḽau,+Nkhangwele vhukhakhi hanga naho vhu vhuhulu.
מ [Mem]
12 Ndi nnyi ane a ofha Yehova?+
U ḓo mu gudisa nḓila ine a fanela u i fara.+
נ [Nun]
13 U ḓo wana zwo lugaho,+Vhaḓuhulu* vhawe vha ḓo vha vhaṋe vha ḽifhasi.+
ס [Samekh]
14 Yehova u vha khonani ya tsini na vhane vha mu ofha,+U vha ḓivhadza mulanga wawe.+
ע [Ayin]
15 Maṱo anga a dzula o lavhelesa Yehova,+Ngauri u ḓo fashulula milenzhe yanga kha mambule.+
פ [Pe]
16 Rembuluwa u nndavhelese u ntakalele,Ngauri ndi ndoṱhe, a hu na ane a nthusa.
צ [Tsade]
17 Mitsiko ya mbiluni yanga yo no anda;+Mmbofholole kha vhuṱungu hanga.
ר [Resh]
18 Vhona u tambula hanga na khakhathi dzanga,+U nkhangwele zwivhi zwanga zwoṱhe.+
19 Vhona uri maswina anga o anda lungafhaniVha mmbenga hani!
ש [Shin]
20 Linda vhutshilo hanga, u ntshidze.+
U songo tenda ndi tshi shoniswa, ngauri ndo khuda nga iwe.
ת [Taw]
21 Ngavhe u fhulufhedzea na u luga zwi tshi ntsireledza,+Ngauri ndi fhulufhela iwe.+
22 Iwe Mudzimu, lamulela* Isiraele kha vhuṱungu hawe hoṱhe.
Ṱhaluso dzi re magumoni a siaṱari
^ Kana “U bva zwifhingani zwa kale.”
^ Thevhedz., “Mbeu.”
^ Thevhedz., “rengulula.”
