Mika 5:1-15
5 “Inwi vha dzulaho muḓini wo tangiwaho,+Ni khou ḓitshetshekanya;Muhaṱuli wa Isiraele vho mu rwa khofheni nga ṱhamu.+
2 Iwe Betlehema Efurata,+Iwe ane a vha muḓi muṱukusa kha ḽoṱhe ḽa Yuda,Kha iwe hu ḓo bva muvhusi ane a ḓo ita zwine nda funa kha ḽa Isiraele,+Ane a vha wa kale-kale, u bva zwifhingani zwa kale.
3 Mudzimu u ḓo vha laṱaU swika mufumakadzi a tshi beba.
Na vhaṅwe vhathu vhahawe vha ḓo vhuyelela kha vhathu vha Isiraele.
4 U ḓo ima a lisa nga nungo dza Yehova,+Nga vhuhulwane ha dzina ḽa Yehova Mudzimu wawe.
Vha ḓo dzula vho tsireledzea,+Ngauri vhugala hawe vhu ḓo swika magumoni a ḽifhasi.+
5 U ḓo ḓisa mulalo.+
Arali Asuri a ṱhasela shango ḽashu na u kwashekanya mitsheṱo yashu yo khwaṱhaho,+Ri ḓo ita uri hu vhe na vhalisa vha sumbe vhane vha ḓo lwa nae, vhathu vha malo vhane vha ḓo vhusa sa vhakololo.*
6 Vha ḓo lwa na shango ḽa Asuri nga banga,+Na shango ḽa Nimirodo+ khoroni dzaḽo.
U ḓo ri tshidza kha Muasuri,+Musi a tshi ṱhasela na u kandekanya shango ḽashu.
7 Vho salaho vha nnḓu ya Yakobo vha ḓo nga ṅwandoU bvaho kha Yehova vhe vhukati ha vhathu vhanzhi,Vha ḓo nga mvula i nelaho zwimelaI sa langiwi nga muthuKana u lindelwa i tshi bva kha vhana vha vhathu.
8 Vhukati ha vhathu vhanzhi na vhukati ha dzitshaka,Vho salaho vha Yakobo,Vha ḓo nga ndau vhukati ha zwivhanda,Vha nga ndawana vhukati ha masambi a nngu,Ine ya pfuka i tshi gavha na u ṱhukhukanya;Hu sa vhe na ane a nga zwi tshidza.
9 U ḓo kunda maswina au,Maswina au oṱhe a ḓo fheliswa.”
10 “Nga ḽeneḽo ḓuvha,” u ralo Yehova,“Ndi ḓo fhelisa bere na gariki dzau.
11 Ndi ḓo fhelisa miḓi yauNa u wisa fhethu hau hoṱhe ho tsireledzwaho.
12 Ndi ḓo fhelisa vhuloi hau,Na ane a ita manditi ha tsha ḓo vha hone vhukati hau.+
13 Ndi ḓo fhelisa zwifanyiso zwau zwo vhaḓiwaho na phuphu dzau,A u tsha ḓo gwadamela zwe wa zwi ita nga zwanḓa zwau.+
14 Ndi ḓo tupula thanda dzau khethwa*+Na u fhelisa miḓi yau.
15 Tshaka dze dza si nthetsheleseNdi ḓo dzi lifhedza ndo sinyuwa, ndi na mbiti.”
Ṱhaluso dzi re magumoni a siaṱari
^ Kana “vharangaphanḓa.”
^ Sedzani Mutevhe Wa Ṱhalutshedzo Ya Maipfi.
