Mirero 21:1-31
21 Mbilu ya khosi i fana na milambwana tshanḓani tsha Yehova.+
U i isa huṅwe na huṅwe hune a Hu takalela.+
2 Nḓila dzoṱhe dza muthu dzi vhonala dzo luga khae,+Fhedzi Yehova u ṱolisisa mbilu.*+
3 U ita zwo lugaho na zwo teahoZwi takadza Yehova u fhira zwiṱhavhelo.+
4 Maṱo a u ḓihudza na mbilu ya u ḓikukumusa,Ndi luvhone lune lwa vhonetshela vhavhi, zwenezwo ndi zwivhi.+
5 Maano a mushumi wa biko a ita uri a bvelele ngangoho,+Fhedzi vhoṱhe vhane vha ṱavhanyela zwithu, vha ya vhushaini.+
6 U wana lupfumo nga lulimi lune lwa amba mazwifhiZwi fana na khuli i tshi balangana, ndi tshikwekwe tshine tsha vhulaya.+
7 Khakhathi dza vhavhi dzi ita uri vha fheliswe,+Ngauri vha hana u haṱula nga nḓila yo teaho.
8 Nḓila ya ane a vha na mulandu yo kombama,Mishumo ya a si na mulandu yo luga.+
9 Ndi khwine u dzula nṱha ha ṱhangaNṱhani ha u dzula nḓuni nthihi na mufumakadzi ane a semana.*+
10 Muvhi u tama zwivhi;+Ha khathutsheli muhura wawe.+
11 Musi mugoḓi a tshi pfiswa vhuṱungu, a si na tshenzhelo u wana vhuṱali,Wa vhuṱali a tshi wana ṱhalukanyo, u wana na nḓivho.*+
12 Mudzimu ane a ita zwivhuya u sedza nnḓu ya muvhi;U fhelisa vhavhi.+
13 A sa thetshelesi tshililo tsha mushaiNae u ḓo vhidzelela, a si fhindulwe.+
14 Tshifhiwa tshine tsha ṋewa tshiphirini tshi dzikisa mbiti,+Tshanḓanguvhoni tshi dzikisa vhuhali.
15 Musi muvhuya a tshi haṱula nga nḓila yo teaho zwi ita uri a takale,+Fhedzi ndi zwithu zwi si zwavhuḓi kha vhane vha ita vhuvhi.
16 Ane a pambuwa nḓilani ya ṱhalukanyoU ḓo awela na vho faho.+
17 Ane a funesa u ḓitakadza u ḓo shaya;+Ane a funesa waini na mapfura ha nga pfumi.
18 Muvhi ndi tshirengululi tsha muvhuya,Wa vhufhura u ḓo dzhielwa vhudzulo nga o lugaho.+
19 Ndi khwine u dzula soganiNṱhani ha u dzula na mufumakadzi ane a semana* na ane a dina.+
20 Lupfumo lwa ndeme na mapfura zwi wanala nḓuni ya o ṱalifhaho,+Fhedzi tsilu ḽi ḓo balanganya zwine ḽa vha nazwo.+
21 Ane a tevhedza zwivhuya na lufuno lu sa shandukiU ḓo wana vhutshilo, zwivhuya na vhugala.+
22 Wa vhuṱali u kunda muḓi wa muhaliA thutha vhushavhelo vhune vha vhu fhulufhela.+
23 Ane a linda mulomo wawe na lulimi lwaweHa weli khomboni.+
24 Wa u ḓihudza na u ḓidzhiela nṱhaU vhidzwa wa maṱaṱa.+
25 Zwine mubva a zwi tama zwi ḓo mu isa lufuni,Ngauri zwanḓa zwawe zwi hana u shuma.+
26 Ḓuvha ḽoṱhe u tama zwinzhi,Fhedzi muvhuya u ṋea nga mafunda.+
27 Tshiṱhavhelo tsha muvhi tshi a nengisa.+
Musi a tshi tshi ṋekedza o ḓiimisela u ita vhuvhi.
28 Ṱhanzi ya mazwifhi i ḓo fheliswa,+Fhedzi ane a thetshelesa u ḓo ṋea vhuṱanzi nga hu bvelelaho.
29 Muvhi u ḓiita unga ha na ṱhoni,+Fhedzi ndi o lugaho ane nḓila dzawe dza vha dza ngoho.+
30 A hu na vhuṱali, ṱhalukanyo kana nyeletshedzo arali u tshi hanedza Yehova.+
31 Bere i lugiselelwa ḓuvha ḽa nndwa,+Fhedzi u tshidza ndi ha Yehova.+
Ṱhaluso dzi re magumoni a siaṱari
^ Kana “zwiṱuṱuwedzi.”
^ Kana “dzindela.”
^ Kana “u a ḓivha zwine a tea u zwi ita.”
^ Kana “dzindela.”
