Mirero 23:1-35
23 Musi u tshi dzula fhasi u itela u ḽa na khosi,U ṱhogomele nga vhuronwane zwine zwa vha phanḓa hau;
2 U ḓifare*Arali u* na mbilu.
3 U songo tama zwiḽiwa zwawe zwavhuḓi,Ngauri ndi zwiḽiwa zwa vhufhura.
4 U songo ḓinetisa u itela u wana lupfumo.+
Zwi litshe, u sumbedze ṱhalukanyo.
5 Musi u tshi tou lu sedza, lu ḓo vha lu si tsheeho,+Ngauri lu ḓo mela phapha vhunga goni, lwa fhufhela ṱaḓulu.+
6 U songo ḽa zwiḽiwa zwa ane a dzimana;U songo tama zwiḽiwa zwawe zwavhuḓi,
7 Ngauri u tou nga ane a dzula a tshi vhalela.
U amba na iwe a ri: “I ḽa, u nwe,” ngeno a sa khou amba zwenezwo.*
8 U ḓo ṱanza matshaka-tshaka e wa a ḽaWa tshinya mafhungo avhuḓi e wa a amba.
9 U songo amba u tshi pfiwa nga tsilu,+Ngauri ḽi ḓo nyadza zwine wa zwi amba zwa vhuṱali.+
10 U songo sudzulusa mukano wa kale+Kana wa dzhena tsimuni ya ṅwana a si na khotsi.
11 Ngauri Mulamuleli* wavho u na maanḓa;U ḓo vha sengela mulandu ha kundwa iwe.+
12 Mbilu yau i ṱanganedze ndayoNḓevhe yau i thetshelese nḓivho.
13 U songo litsha u laya mutukana.*+
Arali wa mu rwa nga ṱhamu ha nga fi.
14 U mu rwe nga ṱhamu,Uri u mu tshidze Vhiḓani.*
15 Ṅwananga, arali wa ṱalifha,Mbilu yanga i ḓo takala.+
16 Ndi ḓo takala nga mbilu yanga yoṱheMusi mulomo wau u tshi amba zwo lugaho.
17 U songo tama vhaitazwivhi mbiluni yau,+Fhedzi u ofhe Yehova tshifhinga tshoṱhe,+
18 Ndi hone u tshi ḓo vha na vhumatshelo+Zwe wa zwi fhulufhela a zwi nga lovhi.
19 Ṅwananga, thetshelesa, u ṱalifhe,U livhise mbilu yau nḓilani yo teaho.
20 U songo vha vhukati ha vhane vha nwesa waini,+Vhukati ha vhane vha ḽesa ṋama,+
21 Ngauri wa tshidakwa na wa u ḽesa vha ḓo shaya,+Khofhe dzi ambadza muthu madzanganda.
22 Thetshelesa khotsi au we a u beba,U songo nyadza mme au ngauri o no kegula.+
23 Renga ngoho, u songo vhuya wa i rengisa,+U renge na vhuṱali, ndayo na ṱhalukanyo.+
24 Khotsi a muvhuya u ḓo takala vhukuma;Khotsi a re na ṅwana o ṱalifhaho u ḓo mu takadza.
25 Khotsi au na mme au vha ḓo takala,Na mme au o u bebaho u ḓo takala.
26 Ṅwananga, nṋee mbilu yau,Ngavhe maṱo au a tshi takalela nḓila dzanga.+
27 Ngauri ane a rengisa muvhili ndi dindi ḽo tsaho,Mufumakadzi wa u ḓifara luvhi ndi tshisima tshi songo aṱamaho.+
28 U lalela u fana na ḽivemu;+U engedza tshivhalo tsha vhanna vha sa fhulufhedzei.
29 Yowee ndi ya nnyi? Ndi nnyi ane a vhilaela?
Ndi nnyi ane a semana? Ndi nnyi ane a gungula?
Ndi nnyi ane a vha na mbonzhe hu si na tshiitisi? Ndi nnyi ane maṱo awe a sa vhone zwavhuḓi?
30 Ndi avho vhane vha dzulela waini tshifhinga tshilapfu;+Vhane vha ya u ṱoḓa waini yo vanganywaho.
31 U songo sedza muvhala mutswuku wa wainiSamusi i tshi tamisa i kha tshinwelo, i tshi tsa zwavhuḓi,
32 I fheleledza nga u luma u fana na ṋowa,I pfela vhuṱungu u fana na vuluvulu.
33 Maṱo au a ḓo vhona zwi songo ḓoweleaho,Mbilu yau ya amba zwithu zwi sa ḓivhalei.+
34 Wa nga o eḓelaho vhukati ha lwanzhe,Wa nga o eḓelaho nṱha ha thanda dza u atha maseila a tshikepe.
35 U ḓo ri: “Vho nthwa,Fhedzi a tho ngo pfa vhuṱungu.
Vho nthwa, fhedzi ndi si zwi ḓivhe.
Ndi ḓo vuwa lini+ uri ndi dovhe ndi nwe?”
Ṱhaluso dzi re magumoni a siaṱari
^ Kana “U vhee lufhanga mukuloni wau.”
^ Thevhedz., “ngeno zwi siho mbiluni.”
^ Thevhedz., “Murengululi.”
^ Kana “ṅwana; muswa.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
