Mirero 27:1-27
27 U songo zuwa nga ha zwine wa ḓo zwi ita matshelo,Ngauri a u ḓivhi zwine ḽa matshelo ḽa ḓo zwi ḓisa.+
2 Fhumula, u khoḓwe nga muṅwe;*Ndi zwa vhaṅwe,* a si zwa mulomo wau.+
3 Tombo ḽi a lemela na muṱavha u a lemela,Fhedzi u sinyuswa nga tsilu zwi lemela u fhira vhuvhili hazwo.+
4 Vhuhali vhu na tshiṱuhu, mbiti dzi nga muḓalo,Fhedzi ndi nnyi ane a nga konḓelela vivho?+
5 U kaidza khagala zwi khwine u fhira lufuno lwo dzumbamaho.+
6 Khonani i fhulufhedzeaho i a kaidza naho zwi sa takadzi,+Fhedzi swina ḽi dzulela u u sumbedza vhulenda.*
7 A si na nḓala u a hana mutoli wa ṋotshi,Fhedzi kha ane a vha na nḓala, na zwine zwa dunga zwi a ḓifha.
8 Munna ane a shavha muḓi waweU nga tshiṋoni tshine tsha shavha tshiṱaha tshatsho.
9 Mapfura na zwioro zwi takadza mbilu;Zwo tou ralo na nga khonani dzi eletshedzanaho zwi tshi bva mbiluni.+
10 U songo ṱutshela khonani yau kana khonani ya khotsi au,U songo dzhena nḓuni ya wahau nga ḓuvha ḽa musi u khomboni;Ndi khwine u ya kha muhura wau a re tsini nṱhani ha u ya ha wahau a re kule.+
11 Ṅwananga, ṱalifha u takadze mbilu yanga,+Uri ndi kone u fhindula ane a ngoḓa.+
12 O ṱalifhaho u vhona khombo a khuda,+Fhedzi a si na tshenzhelo u fhirela phanḓa a wela khomboni.
13 Dzhiela muthu tshiambaro arali o bvisa tsha u farisa a tshi itela mutsinda;Mu dzhiele zwe a farisa arali o zwi itela mufumakadzi a re mutsinda.*+
14 Ane a lumelisa* muṅwe nga u huwelela nga matsheloni,U dzhiiwa a tshi khou sema ane a mu lumelisa.
15 Mufumakadzi ane a semana* u nga ṱhanga ine ya na nga ḓuvha ḽa mvula.+
16 Ane a kona u mu dzikisa a nga dzikisa ḓumbuA nga kona u puta mapfura nga tshanḓa tshawe tsha uḽa.
17 Samusi tsimbi i tshi ṱuṱula tsimbi,Na muthu u ṱuṱula khonani yawe.+
18 Ane a ṱhogomela muhuyu u ḓo ḽa mitshelo yawo,+Na ane a ṱhogomela muṋe wawe u ḓo huliswa.+
19 Samusi tshifhaṱuwo tshi tshi ḓivhona maḓini,Na mbilu ya muthu i a ḓivhona nga ya muṅwe.
20 Vhiḓa na fhethu ha ndozwo* a zwi fushei,+Na maṱo a muthu ha fushei.
21 Bodo ndi ya u kunakisa siḽiva, ṋanḓo ndi ya u kunakisa musuku,+Muthu u lingwa nga u khoḓwa.
22 Naho wa sinḓa tsilu nga musiVhunga u tshi sinḓa thoro mutulini,Vhutsilu haḽo vhu nga si fhele.
23 Dzula u tshi sedza sambi ḽau.
U ṱhogomele zwavhuḓi nngu dzau,+
24 Ngauri lupfumo a lu dzuli lu hone,+Na khare a si ya mirafho yoṱhe.
25 Hatsi vhudala ho fhela, ho mela hatsi vhuswa,Na zwimela zwa thavhani zwi a kuvhanganywa.
26 Ngwana dzi u ṋea zwiambaro,Zwibokoṱo ndi zwa u renga tsimu.
27 Hu ḓo vha na mafhi a mbudzi o u eḓanaho,Ane a ḓo fusha muṱa wau na vhashumeli vhau vha vhafumakadzi.
Ṱhaluso dzi re magumoni a siaṱari
^ Thevhedz., “mutsinda.”
^ Thevhedz., “mutsinda.”
^ Thevhedz., “Fhedzi swina ndi ane a dzula a tshi u khisa.”
^ Kana “itela mutsinda.”
^ Thevhedz., “fhaṱutshedza.”
^ Kana “dzindela.”
^ Kana “Sheol na Abadoni.”