Kha Vhagalata 3:1-29
-
Mulayo na lutendo (1-14)
-
Muvhuya u ḓo tshila ngauri u na lutendo (11)
-
-
Zwe Abrahamu a fhulufhedziswa a zwi bvi kha Mulayo (15-18)
-
Kristo ndi ṅwana wa Abrahamu (16)
-
-
He Mulayo wa thoma hone na zwe wa itelwa zwone (19-25)
-
Ni vhana vha Mudzimu ngauri ni na lutendo (26-29)
-
Vhana vha Abrahamu ndi vha Kristo (29)
-
3 Inwi Vhagalata vha matsilu, ndi nnyi we a ni fhura?+ Ngauri no ṱalutshedzwa zwavhuḓi nga ha u ombelwa ha Yesu Kristo kha danda.+
2 Ndi ṱoḓa u ni vhudzisa tshithu tshithihi: Naa no wana muya mukhethwa nga u tevhedza mulayo kana nga u tenda zwe na zwi pfa?+
3 Naa ni matsilu nga u ralo? Ni tshi thoma no vha ni tshi ḓitika nga muya mukhethwa, zwino ni vho ḓitika nga zwine muthu a humbula.+
4 Naa no tambula zwingafha lwa fhedzi? Ndi na vhungoho ha uri zwo vha zwi si zwa fhedzi.
5 Naa ane a ni ṋea muya mukhethwa na u ita mishumo ya maanḓa+ vhukati haṋu u zwi itiswa ngauri ni tevhedza mulayo kana ngauri no tenda zwe na zwi pfa?
6 Abrahamu “o vha na lutendo kha Yehova,* a dzhiiwa sa o lugaho.”+
7 Ni a zwi ḓivha uri vha re na lutendo ndi vhone vhana vha Abrahamu.+
8 Kha luṅwalo, Mudzimu o amba uri u ḓo dzhia vhathu vha dzitshaka sa vho lugaho nga nṱhani ha lutendo lwavho, a ḓivhadza mafhungo maḓifha kha Abrahamu, a ri: “Tshaka dzoṱhe dzi ḓo fhaṱutshedzwa nga nṱhani hau.”+
9 Vha re na lutendo vha khou fhaṱutshedzwa na Abrahamu we a vha e na lutendo.+
10 Vhoṱhe vhane vha ḓitika nga mulayo fhedzi, vho semiwa, ngauri ho ṅwaliwa u pfi: “Hu semiwa ane a si dzule a tshi tevhedza zwoṱhe zwo ṅwaliwaho kha bugu ya Mulayo.”+
11 Zwiṅwe hafhu, zwi khagala uri Mudzimu ha dzhii ane a tevhedza mulayo+ sa o lugaho, ngauri ho ṅwaliwa u pfi: “Muvhuya u ḓo tshila ngauri u na lutendo.”+
12 Mulayo a u ḓitiki nga lutendo. Ngauri ho ṅwaliwa u pfi: “Ane a ita zwo lugaho a tshi tevhedza Mulayo u ḓo tshila.”+
13 Kristo o ri renga,+ a ri vhofholola+ kha samba ḽa Mulayo nge ene a vha samba ḽa mulayo a tshi itela riṋe, ngauri ho ṅwaliwa u pfi: “O fhahewaho kha danda o semiwa.”+
14 Zwenezwo zwo itelwa uri phaṱhutshedzo ya Abrahamu i ye kha vha dzitshaka hu tshi shumiswa Kristo Yesu,+ uri ri wane muya mukhethwa+ we Mudzimu a ri fhulufhedzisa u ri ṋea wone ngauri ri na lutendo.
15 Vhahashu, ndi amba na inwi ndi tshi shumisa tshifanyiso: Naho mulanga wo khwaṱhisedzwa nga muthu, a hu na ane a nga u fhelisa kana a u engedza.
16 Ngauri musi Abrahamu na ṅwana* wawe vha tshi fhulufhedziswa,+ a ho ngo pfi, “vhana vhau,” ha nga hu khou ambelwa kha vhanzhi, fhedzi hu khou ambelwa kha muthihi musi hu tshi pfi, “ṅwana* wau,” ane a vha Kristo.+
17 Zwiṅwe hafhu, ndi ri: Mulayo we wa vha hone nga murahu ha miṅwaha ya 430+ a u fhelisi mulanga we wa vhofhiwa nga Mudzimu.
18 Arali Mudzimu a tshi ṋea ḽeneḽi ifa nga nṱhani ha mulayo, a zwi tsha vha nga nṱhani ha zwe a zwi fhulufhedzisa; naho zwo ralo, o ḽi ṋea Abrahamu nga nṱhani ha zwe a zwi fhulufhedzisa.+
19 Ndi ngani ho vha na Mulayo? Wo itelwa uri hu vhonale zwo khakheaho zwine vhathu vha zwi ita,+ u swika ṅwana* wau o fhulufhedziswaho a tshi ḓa;+ Mudzimu o ṋea mulayo vharuṅwa+ uri vha u pfukise vha tshi shumisa mupfumedzanyi.+
20 Musi hu na muthu muthihi fhedzi ane a zwi ita, a hu ṱoḓei mupfumedzanyi, nga hu fanaho, Mudzimu o vha e eṱhe a tshi fhulufhedzisa zwenezwo.
21 Naa zwenezwi zwi amba uri Mulayo u lwa na zwe Mudzimu a zwi fhulufhedzisa? Na khathihi! Arali ri vhe ro ṋewa mulayo une wa ṋea vhutshilo, u luga ho vha hu tshi ḓo ḓiswa nga mulayo.
22 Fhedzi Maṅwalo o ita uri zwithu zwoṱhe zwi langiwe nga tshivhi, uri vha re na lutendo vha wane zwo fhulufhedziswaho vha re na lutendo kha Yesu Kristo.
23 Musi ri sa athu u tenda Kristo, ro vha ri tshi livhiswa nga mulayo, ri tshi langiwa nga mulayo, ro lindela zwine Mudzimu a ḓo zwi dzumbulula.+
24 Mulayo wo vha mudededzi washu wa ri isa kha Kristo,+ uri ri itwe vho lugaho nga nṱhani ha lutendo.+
25 Zwino a ri tsha livhiswa nga Mulayo+ ngauri ri vho tenda Kristo.+
26 Ni vhana vha Mudzimu+ ngauri ni tenda Kristo Yesu.+
27 Ngauri inwi noṱhe no lovhedzwaho na vha na vhuthihi na Kristo, no edzisa* Kristo.+
28 A hu tshee na Muyuda kana Mugerika,+ munna kana mufumakadzi,+ phuli kana ane a ḓilanga,+ ngauri noṱhe ni vhathihi na Kristo Yesu.+
29 Zwiṅwe hafhu, arali ni vha Kristo, ni vhana* vha Abrahamu,+ maḽaifa+ a zwo fhulufhedziswaho.+
Ṱhaluso dzi re magumoni a siaṱari
^ Thevhedz., “mbeu.”
^ Thevhedz., “mbeu.”
^ Thevhedz., “mbeu.”
^ Thevhedz., “ambara.”
^ Thevhedz., “mbeu.”
