Yeremia 29:1-32
29 Hezwi ndi zwe zwa ṅwaliwa kha vhurifhi he muporofita Yeremia a vhu rumela vhu tshi bva Yerusalema vhu tshi ya kha vhahulwane vhoṱhe vho thubiwaho, vhotshifhe, vhaporofita na vhathu vhoṱhe vhe Nebukadanetsara a vha thuba Yerusalema a vha isa Babele,
2 musi Khosi Yekonya,+ mme awe,*+ vhaḓinḓa, vhakololo vha Yuda na vha Yerusalema, vhanna vha re na vhutsila na vhane vha ita zwithu nga tsimbi* vho no ṱuwa Yerusalema.+
3 O rumela vhurifhi a tshi shumisa Eleasa murwa wa Shafani+ na Gemaria murwa wa Hilikia, vhe Khosi Tsedekia+ wa Yuda a vha ruma Babele kha Khosi Nebukadanetsara wa Babele. Ho vha vhu tshi ri:
4 “Zwe Yehova wa mavhuthu, Mudzimu wa Isiraele a zwi vhudza vhathu vhoṱhe vha re vhuthubwani, vhe a ita uri vha iswe vhuthubwani Babele vha tshi bva Yerusalema, ndi hezwi,
5 ‘Fhaṱani nnḓu ni dzule khadzo. Ni lime masimu ni ḽe mitshelo yao.
6 Ni vhinge vhafumakadzi ni bebe vharwa na vhananyana; ni vhingele vharwa vhaṋu vhafumakadzi ni vhingise na vhananyana vhaṋu, uri na vhone vha bebe vharwa na vhananyana. Ni vhe vhanzhi henefho, ni si fhungudzee.
7 Ni ite uri wonoyo muḓi we nda ni thubela khawo u vhe na mulalo, ni u rabelele kha Yehova, ngauri arali wa vha na mulalo zwi ḓo ita uri na inwi ni vhe na mulalo.+
8 Yehova wa mavhuthu Mudzimu wa Isiraele u ri: “Ni songo tendela vhaporofita vhaṋu na mingome yaṋu ine ya vha vhukati haṋu i tshi ni fhura,+ ni songo thetshelesa na miḽoro ine vha i ḽora.
9 Ngauri ‘vha khou ni porofitela mazwifhi dzinani ḽanga. A tho ngo vha ruma,’+ u ralo Yehova.”’”
10 “Yehova u ri, ‘Musi no no fhedza miṅwaha ya 70 ngei Babele, ndi ḓo ni humbula,+ nda ita zwe nda ni fhulufhedzisa nga u ni vhuisa henefha fhethu.’+
11 “‘Ngauri zwine nda khou zwi humbula nga ha inwi ndi a zwi ḓivha,’ u ralo Yehova, ‘ndi zwa mulalo, hu si zwa khombo,+ uri ndi ni ṋee vhumatshelo havhuḓi na fhulufhelo.+
12 Ndi hone ni tshi ḓo mmbidzelela na ḓa na nthabela, ndi ḓo ni thetshelesa.’+
13 “‘Ni ḓo nṱoḓa na nngwana,+ ngauri ni ḓo nṱoḓa nga mbilu dzaṋu dzoṱhe.+
14 Ndi ḓo ita uri ni nngwane,’+ u ralo Yehova. ‘Ndi ḓo kuvhanganya mathubwa aṋu nda ni kuvhanganya ni tshi bva kha tshaka dzoṱhe na fhethu he nda ni balanganyela hone,’+ u ralo Yehova. ‘Nda ni vhuisa fhethu he nda ita uri ni thubiwe ni hone.’+
15 “Fhedzi inwi no ri, ‘Yehova o ita uri hu vhe na vhaporofita Babele.’
16 “Ngauri Yehova o amba na khosi yo dzulaho kha khuluṋoni ya Davida+ na vhathu vhoṱhe vho dzulaho kha wonoyu muḓi na vhahaṋu vhe vha sala musi ni tshi iswa vhuthubwani,
17 ‘Yehova wa mavhuthu u ri: “Ndi khou vha rumela banga, nḓala na dwadze,+ ndi ḓo ita uri vha nge mahuyu o sinaho* lune a si tsha ḽea.”’+
18 “‘Ndi ḓo vha pandamedza nga banga,+ nga nḓala na nga dwadze, nda ita uri vha ofhise kha mivhuso yoṱhe ya ḽifhasi,+ vha semiwe, vha vhe tshimangadzo,+ vha goḓiwe na u nyadziwa vhukati ha tshaka dze nda vha balanganyela khadzo,+
19 ngauri a vho ngo thetshelesa zwe nda vha vhudza zwone ndi tshi shumisa vhashumeli vhanga vha vhaporofita, ndi tshi vha rumela lunzhi-lunzhi,’+ u ralo Yehova,
“‘Fhedzi ni si thetshelese,’+ u ralo Yehova.
20 “Nga zwenezwo, ipfani zwe Yehova a amba, inwi noṱhe vha re vhuthubwani, vhe nda ni bvisa Yerusalema nda ni isa Babele.
21 Zwe Yehova wa mavhuthu Mudzimu wa Isiraele a zwi amba nga ha Ahaba murwa wa Koloya na Tsedekia murwa wa Maaseya vhane vha khou porofita mazwifhi dzinani ḽanga,+ ndi hezwi, ‘Ndi khou vha kumedzela zwanḓani zwa Nebukadanetsara khosi ya Babele, u ḓo vha vhulaya ni tshi zwi vhona.
22 Zwe zwa itea khavho zwi ḓo vha samba ḽine ḽa ḓo ambiwa nga vhoṱhe vhe vha thubelwa Babele vha tshi bva Yuda, vha ḓo ri: “Ngavhe Yehova a tshi u ita u nga Tsedekia na Ahaba, vhe khosi ya Babele ya vha fhisa muliloni!”
23 ngauri vho ita zwi shonisaho ngei Isiraele,+ vho ita vhupombwe na vhafumakadzi vha vhahura vhavho na u amba mazwifhi dzinani ḽanga ndi songo vha ruma.+
“‘“Ndi nṋe Ane a zwi ḓivha, ndi ṱhanzi yazwo,”+ u ralo Yehova.’”
24 “Ni ḓo vhudza Shemaya+ wa ngei Nehelamu u ri,
25 ‘Yehova wa mavhuthu Mudzimu wa Isiraele u ri: “Ngauri wo rumela marifhi kha vhathu vhoṱhe vha re ngei Yerusalema, kha Tsefanya+ murwa wa tshifhe Maaseya na kha vhotshifhe vhoṱhe, wa ri,
26 ‘Yehova o u ita tshifhe nṱhani ha tshifhe Yehoyada uri u vhe mulavhelesi wa nnḓu ya Yehova, uri u lange mpengo ane a ḓiita muporofita, u mu pate nga mabulannga;*+
27 fhedzi ndi ngani u songo kaidza Yeremia wa Anathothe+ ane a khou ḓiita muporofita wau?+
28 Ngauri na riṋe vha re Babele o ri rumela marifhi, a ri: “Hu ḓo fhela tshifhinga tshilapfu! Fhaṱani nnḓu ni dzule khadzo. Ni lime masimu ni ḽe mitshelo,+—”’”’”
29 Musi tshifhe Tsefanya+ a tshi vhalela muporofita Yeremia lwonolwu luṅwalo,
30 Yehova a amba na Yeremia a ri:
31 “Ṅwalela vhathu vhoṱhe vha re vhuthubwani, u ri, ‘Zwe Yehova wa mavhuthu a zwi amba nga ha Shemaya wa ngei Nehelamu ndi hezwi: “Ngauri Shemaya o ni porofitela, naho ndi songo mu ruma, a lingedza u ita uri ni fhulufhele mazwifhi,+
32 nga zwenezwo, Yehova u ri, ‘Ndi khou kaidza Shemaya wa ngei Nehelamu na vhaḓuhulu vhawe. A hu na ane a ḓo tshila vhukati havho, ha nga vhoni zwivhuya zwine nda ḓo zwi itela vhathu vhanga,’ u ralo Yehova, ‘ngauri o ṱuṱuwedza vhathu u shandukela Yehova.’”’”
Ṱhaluso dzi re magumoni a siaṱari
^ Kana “vhakoma.”
^ Kana “vhafuli vha tsimbi.”
^ Kana khamusi, “kwaṱuwaho.”
^ Kha maṅwalwa a u thoma hu na maipfi mavhili, ḽiṅwe ḽi vhonala ḽi tshi ambela kha u patiwa milenzhe nga matanda, ḽiṅwe ḽao ḽi tshi ambela kha u patiwa zwanḓa na ṱhoho nga matanda.
