Yobo 22:1-30
22 Elifasi+ wa Muthemani a fhindula a ri:
2 “Naa Mudzimu u na mushumo na muthu?
Naa u a vhuyelwa nga muthu a re na ṱhalukanyo?+
3 Naa Ramaanḓaoṱhe u na ndavha na* uri wo luga,Kana naa u a vhuyelwa nga tshithu nga nṱhani ha uri iwe u a fhulufhedzea?+
4 Naa u ḓo u pfisa vhuṱunguA u sengisa nga nṱhani ha uri u a mu ofha?
5 Naa a si nga nṱhani ha uri vhuvhi hau ndi vhuhuluNa uri vhukhakhi hau a vhu fheli?+
6 Ngauri wo dzhiela vhahau zwe vha u farisa hu si na tshiitisi,Wo bvula vhathu zwiambaro zwavho, wa vha sia vhe fhedzi.+
7 A wo ngo ṋea o netaho maḓi a u nwa,Wo dzima a re na nḓala zwiḽiwa.+
8 Shango ndi ḽa munna a re na maanḓa,+Ḽi dzulwa nga ane a mu takalela.
9 Fhedzi wo pandela tshilikadzi dzi songo fara tshithu,Wo vunḓa zwanḓa zwa vhana vha si na khotsi.*
10 Ndi ngazwo wo tangwa nga zwilibane,+U tshi tshuwa u songo zwi lavhelela;
11 Ndi ngazwo hu na swiswi lune u si kone u vhona,Wo kumbiwa nga maḓi.
12 Naa Mudzimu haho ngei nṱha ṱaḓulu?
Lavhelesa ṋaledzi dzoṱhe uri dzi nṱha lungafhani.
13 Fhedzi iwe wo ri: ‘Mudzimu u ḓivha mini zwa vhukuma?
Naa a nga haṱula o tsirwa nga swiswi ḽihulu?
14 Makole o mu tsira uri a si kone u vhonaMusi a tshi mona-mona mukanoni* wa ṱaḓulu.’
15 Kani iwe u ḓo tevhela nḓila ya vha kaleYe vhathu vhavhi vha tshimbila khayo,
16 Vhe vha lovha* tshifhinga tshavho tshi sa athu u swika,Vhe mutheo wavho wa kumbiwa nga maḓi?*+
17 Vho vha vha tshi khou amba na Mudzimu wa ngoho vha tshi ri: ‘Ri litshe!’
Na uri: ‘Ramaanḓaoṱhe a nga ri itani?’
18 Ngeno hu ene we a ḓadza nnḓu dzavho nga zwithu zwavhuḓi.
(Mahumbulele mavhi o raloho a kule na nṋe.)
19 Vho lugaho vha ḓo zwi vhona vha takala,Vha si na mulandu vha ḓo vha goḓa vha ri:
20 ‘Maswina ashu o fheliswa,Mulilo u ḓo fhisa zwithu zwavho zwo salaho.’
21 Mu ḓivhe, ndi hone u tshi ḓo vha na mulalo;Wa ḓelwa nga zwithu zwavhuḓi.
22 Ṱanganedza mulayo u bvaho mulomoni wawe,Zwe a zwi amba u zwi vhulunge mbiluni yau.+
23 Arali wa vhuyelela ha Ramaanḓaoṱhe, ndi hone u tshi ḓo vhuyelela kha vhuimo he wa vha u khaho;+Arali wa bvisa zwi songo lugaho denndeni ḽau,
24 Arali wa laṱela musuku wau buseniNa musuku wa Ofiri+ govhani ḽa matombo,
25 Ndi hone Ramaanḓaoṱhe a tshi ḓo vha musuku wau,A vha siḽiva yau yavhuḓisa.
26 Ndi hone Ramaanḓaoṱhe a tshi ḓo vha dakalo ḽau,Wa imisa tshifhaṱuwo tshau wa lavhelesa Mudzimu.
27 Iwe u ḓo mu humbela, u ḓo u pfa;Iwe wa ita zwe wa ana.
28 Zwiṅwe na zwiṅwe zwine wa humbula u zwi ita zwi ḓo bvelela,Tshedza tshi ḓo vhonetshela nḓila yau.
29 Ngauri iwe u ḓo shoniswa musi u tshi amba nga u ḓikukumusa,Fhedzi Mudzimu u ḓo tshidza vha ḓiṱukufhadzaho.*
30 U ḓo tshidza vha si na mulandu;Arali zwanḓa zwau zwo kuna, u ḓo tshidzwa ngangoho.”
Ṱhaluso dzi re magumoni a siaṱari
^ Kana “Naa zwi a takadza Ramaanḓaoṱhe.”
^ Kana “zwisiwana.”
^ Kana “kha mutengelele.”
^ Kana “Vhe maḓuvha avho a fhungudzwa.”
^ Thevhedz., “mulambo.”
^ Kana “vho ṱungufhalaho.”
