Yobo 42:1-17
42 Yobo a fhindula Yehova a ri:
2 “Zwino ndi a zwi ḓivha uri u a kona u ita zwithu zwoṱheA hu na tshine wa elekanya u tshi ita tsha fhedza tsho u kunda.+
3 Wo amba wa ri: ‘Ndi nnyi ane a pikisa nḓila ine nda ita ngayo zwithu, a si na nḓivho?’+
Ndo amba ndi sa ṱalukanyiNga ha zwithu zwine zwa mmangadza vhukuma, zwine ndi si zwi ḓivhe.+
4 Wo amba wa ri: ‘Ndi humbela uri u thetshelese ndi tshi amba.
Ndi u vhudzise, iwe u mphindule.’+
5 Nḓevhe dzanga dzo pfa nga ha iwe,Fhedzi zwino iwe ndi u vhona nga maṱo anga.
6 Ndi nga nṱhani ha zwenezwo ndi tshi humisa maipfi anga,+Ndo dzula buseni na miḽorani u itela u sumbedza uri ndo rembuluwa.”+
7 Musi Yehova o no fhedza u amba na Yobo zwenezwo, Yehova a amba na Elifasi wa Muthemani a ri:
“Ndo sinyutshela iwe na khonani dzau mbili,+ ngauri a no ngo amba ngoho nga ha nṋe+ sa mushumeli wanga Yobo.
8 Zwino dzhiani mboho dza sumbe na thutha dza sumbe ni ye ha Yobo mushumeli wanga, ni ṋekedze tshiṱhavhelo tshaṋu tsha u fhiswa. Mushumeli wanga Yobo u ḓo ni rabelela.+ Ndi ḓo ṱanganedza khumbelo yawe ndi si ni ite zwo fanelaho vhutsilu haṋu, ngauri a no ngo amba ngoho nga ha nṋe vhunga mushumeli wanga Yobo.”
9 Elifasi wa Muthemani, Bilidada wa Mushuha na Tsofari wa Munaama vha ṱuwa vha ita zwe Yehova a vha vhudza zwone. Yehova a ṱanganedza thabelo ya Yobo.
10 Musi Yobo o no rabelela khonani dzawe,+ Yehova a humisa maṱhupho a Yobo+ a dovha a mu ṋea lupfumo lwawe. Yehova o mu ṋea zwe a vha e nazwo kavhili.+
11 Vharathu vhawe vhoṱhe na khaladzi dzawe na khonani dzawe dza kale+ vha ḓa vha ḽa nae nḓuni yawe. Vha lila nae na u mu khuthadza kha khombo yoṱhe ye Yehova a i tendela i tshi mu wela. Vhoṱhe vha mu ṋea tshifhiwa tsha tshelede na rinngi ya musuku.
12 Yehova a fhaṱutshedza miṅwaha ya u fhedza ya vhutshilo ha Yobo u fhira ya u thoma,+ Yobo a vha na nngu dza 14 000, gamela dza 6 000, kholomo dza dzhogo dza 1 000 na donngi dza tsadzi dza 1 000.+
13 A dovha a vha na vharwa vha sumbe na vhananyana vhararu.+
14 Ṅwananyana wa u thoma a mu ira dzina ḽa Yemima, wa vhuvhili a mu ira ḽa Ketsia, wa vhuraru a mu ira ḽa Kereni-hapuka.
15 Shangoni ḽoṱhe ho vha hu si na vhafumakadzi vho nakaho u fhira vhananyana vha Yobo, khotsi avho o vha ṋea ifa khathihi na khaladzi dzavho.
16 Nga murahu ha zwenezwo, Yobo o tshila miṅwaha ya 140, a vhona vhana vhawe na vhaḓuhulu vhawe, vha mirafho miṋa.
17 Mafheleloni Yobo a fa, o kalaha o fushea nga vhutshilo.
