Sa tsumbo, Sally * wa ngei Amerika, we a xelelwa nga thundu dzawe kha khombo ya ḓumbumazikule u ṱalutshedza uri: “Ndo pfa u nga ndi nga si tsha kona u konḓelela. Maḓuvha manzhi, ndo pfa ndi si tsha kona u bvelaphanḓa.”

Hu pfi mini arali no lovhelwa? Janice wa ngei Australia o ri: “Musi vharwa vhanga vhavhili vha tshi lovha, ndo pfa ndo pwashekana vhukuma, fhedzi ndi tshi tea u konḓelela. Ndo rabela Mudzimu nda ri: ‘A thi tsha kona u konḓelela! Ntendele ndi fe. A thi tsha ṱoḓa u tshila.’”

Kha ḽiṅwe sia, Daniel o vha o kulea nungo musi mufumakadzi wawe a songo fhulufhedzea khae. O ṱalutshedza uri: “Musi mufumakadzi wanga a tshi mmbudza uri o vha a sa khou fhulufhedzea, ndo pfa u nga ndi khou ṱhavhiwa nga lufhanga mbiluni. Ndo pfa vhuṱungu lwa tshifhinga tshilapfu.”

Ino thero ya Tshiingamo i ḓo haseledza uri ndi ngani zwi khwiṋe u bvela phanḓa na vhutshilo naho

• No Welwa Nga Khombo Dza Mupo

• No lovhelwa

• Mufarisi waṋu wa mbingano a sa fhulufhedzei

• Musi ni tshi khou lwala vhukuma

• Vhutshilo vhu sa konḓelelei

Tsha u thoma, ri nga konḓelela hani musi ro welwa nga khombo?