DZULANI NO FHAṰUWA!
2023: Ṅwaha We Wa Vhilaedzisa Vhathu—Bivhili I Ri Mini Nga Hazwo?
Nga 2023, u mona na shango ḽoṱhe ho itea zwithu zwinzhi zwine zwa sumbedza uri na ngoho ri khou tshila tshifhingani tshine Bivhili ya tshi vhidza “maḓuvhani a vhufhelo.” (2 Timotheo 3:1) Ṱhogomelani nḓila ine zwine zwa khou itea zwino zwa tshimbidzana ngayo na zwe Bivhili ya dzula yo amba uri zwi ḓo itea tshifhingani tshashu.
Zwe Bivhili ya amba na zwine zwa khou itea u mona na shango
‘Dzinndwa na mivhigo ya dzinndwa.’—Mateo 24:6.
“Khakhathi dzi khou engedzea kha zwipiḓa zwinzhi zwa shango.” a
Vhalani thero “Ndi Nnyi Ane A Ḓo Tshidza Vhadzulapo?” na “U Mona Na Shango, Mivhuso Yo Shumisa Rannda Dzi Fhiraho Triḽioni Dza 39 Nndwani.”
“Midzinginyo fhethu hunzhi.”—Marko 13:8.
“U bva tshee ṅwaha wa 2023 wa thoma, u mona na shango ho no vha na midzinginyo mihulwane i fhiraho 13, yeneyi ndi mbalo khulwanesa u bva tshee ha thoma u vhaleliwa uri ho no vha na midzinginyo mingana.” b
Vhalani thero “Ho Vha Na Midzinginyo I Tshinyadzaho Ngei Turkey Na Syria.”
“Zwi ofhisaho.”—Luka 21:11.
“Mufhiso wo no engedzea nga nḓila i songo ḓoweleaho u mona na shango.”—Vho António Guterres, UN secretary-general. c
Vhalani thero “Mufhiso Wo Kalulaho Wa Shango Ḽoṱhe Nga Tshilimo Tsha 2023.”
“Nḓala.”—Mateo 24:7.
“2023: Muṅwe ṅwaha we wa ita uri vhane vha khou kundelwa u ṱunḓela miṱa yavho vha vhilaele nga ho kalulaho.” d
Vhalani thero “Nndwa Na Mutsho U Si Wavhuḓi Zwi Khou Ita Uri Hu Vhe Na Ṱhahelelo Ya Zwiḽiwa Shangoni Ḽoṱhe.”
“Zwifhinga zwi lemelaho zwi konḓaho u sedzana nazwo.”—2 Timotheo 3:1.
“U mona na shango, muthu muthihi kha vha malo u khou sedzana na thaidzo ya muhumbulo.” e
Vhalani thero “Vhaswa Vha Khou Ṋaṋa U Vha Na Thaidzo Ya U Tsikeledzea.”
Ri nga lavhelela mini nga 2024?
A hu na ane a ḓivha uri 2024 yo ri farela mini. Fhedzi zwine zwa khou itea zwino zwi sumbedza uri hu si kale Muvhuso wa Mudzimu u re ṱaḓulu, u ḓo dzhiela vhudzulo mivhuso ya vhathu nahone wa fhelisa zwithu zwoṱhe zwine zwa khou ita uri ri tambule na u vhilaela.—Daniele 2:44; Nzumbululo 21:4.
Musi ro lindela zwenezwo zwi tshi itea, ri nga humbela thuso kha Mudzimu arali ri tshi khou ḓipfa ri tshi khou vhilaela. Bivhili i amba uri:
“Musi ndi tshi ofha, ndi fhulufhela iwe.”—Phisalema 56:3.
Ri nga sumbedza hani uri ri fhulufhela Mudzimu? Ri humbela uri ni gude zwo engedzeaho nga ha zwine Bivhili ya fhulufhedzisa uri zwi ḓo ita tshifhingani tshi ḓaho musi hu si tshee na tshengelo. Lingedzani u guda Bivhili nga mahala u itela u vhona nḓila ine inwi na muṱa waṋu na nga vhuyelwa ngayo nga zwine Bivhili ya zwi fhulufhedzisa.
a Foreign Affairs, “A World at War: What Is Behind the Global Explosion of Violent Conflict?” nga Vho Emma Beals na Vho Peter Salisbury, 30 October 2023.
b Earthquake News, “Year 2023: Number of Major Earthquakes on Course for Record,” May 2023.
c United Nations, “Secretary-General’s Opening Remarks at Press Conference on Climate,” 27 July 2023.
d World Food Programme, “A Global Food Crisis.”
e World Health Organization, “World Mental Health Day 2023,” 10 October 2023.
You May Also Like
ESSENTIAL BIBLE TEACHINGS
Muvhuso Wa Mudzimu Ndi Mini?
Tshifhingani tsha vhuḓinḓa hawe kha ḽifhasi, Yesu o funza nga ha Muvhuso wa Mudzimu u fhira dziṅwe thero dzoṱhe. Vhathu vho fhedza maḓana a miṅwaha vha tshi khou rabelela uri wonoyo Muvhuso u ḓe.
NGA HA RIṊE
Humbelani U Dalelwa
Haseledzani mbudziso i bvaho Bivhilini kana ni gude zwo engedzeaho nga ha Ṱhanzi dza Yehova.
