Vhathu vhanzhi a vha tsha fara vhaṅwe zwavhuḓi. Vhathu vho ya u thuswa nga madokotela vha fhedza vha tshi vha sema. Musi vhathu vho ya u ḽa zwiḽiwa nnḓa, vha nyadza na u sema vhathu vhane vha vha ḓisela zwiḽiwa. Vhaṋameli vha mabufho a vha ḓifari zwavhuḓi, vha ita na u sema na u rwa vhashumi vhane vha vha thusa kha ḽeneḽo bufho. Vhana na vhone a vha ḓifari zwavhuḓi zwikoloni, vha kolela vhadededzi vhavho, u vha shushedza, u vha rwa na u vha sema. Vhaṅwe vhorapolitiki vha ita zwa dzikhakhathi ngeno vhaṅwe vha tshi ṱoḓa u ḓiita uri vha vhonale vho luga.

 Bivhili ndi bugu ine ra nga i fhulufhela, i ri thusa u ḓivha uri zwi amba mini u fara vhaṅwe zwavhuḓi. I dovha ya ṱalutshedza uri ndi ngani vhathu vhanzhi vha sa fari vhaṅwe zwavhuḓi ṋamusi.

 U mona na shango ḽoṱhe, vhathu a vha tsha fara vhaṅwe zwavhuḓi nahone a vha tsheena mikhwa.

•   Musi khamphani i ṱhonifheaho i tshi khou ita ṱhoḓisiso ngei Amerika, vho vhambedza Amerika ṋamusi na miṅwaha ya 22 yo fhiraho, vho wana uri vhathu vha Amerika vha tenda uri vhathu vhanzhi Amerika a vha tsheena mikhwa u fhira naho hu lini.

•   Kha iṅwe ṱhoḓisiso ho ambiwa na vhathu vha fhiraho 32 000 kha mashango a 28, 65 phesenthe yavho vho amba uri nḓila ine vhathu vha si vhe na mikhwa ngayo ṋamusi yo kalula.

 Bivhili yo dzula yo amba nga ha vhuḓifari ha vhathu ṋamusi.

•   “Hu ḓo vha na zwifhinga zwi lemelaho zwi konḓaho u sedzana nazwo. Ngauri vhathu vha ḓo funa vhone vhaṋe fhedzi, vha funa tshelede, vha zuwa, vha ḓihudza, vha semana, a vha nga thetshelesi vhabebi, a vha nga livhuwi, . . . a vha nga vhi na lufuno, . . . vha ḓo ita zwa dzikhakhathi.”—2 Timotheo 3:1-3.

 U itela u vhona uri honovho vhuporofita vhu khou itea hani, vhalani thero “Did the Bible Predict the Way People Think and Act Today?”

 Kha shango ḽine vhathu a vha tsha fara vhaṅwe zwavhuḓi, vhathu vhanzhi vho wana uri Bivhili yo vha thusa u ḓivha uri vha nga fara hani vhaṅwe zwavhuḓi. Zwine ya zwi funza zwi ‘dzula zwi tshi fhulufhedzea, zwino na lini na lini.’ (Phisalema 111:8) Kha ri vhone dziṅwe tsumbo:

•   Zwine Bivhili ya zwi amba: “Zwoṱhe zwine na funa vhathu vha tshi ni ita, na inwi ni vha ite zwenezwo.”—Mateo 7:12.

   Zwine zwa amba zwone: Ri tea u fara vhaṅwe nga nḓila yavhuḓi na u vha ṱhonifha samusi na riṋe ri tshi ṱoḓa u farwa nga yeneyo nḓila.

•   Zwine Bivhili ya zwi amba: “Samusi no litsha vhufhura, noṱhe ni ambe ngoho na muhura waṋu.”—Vhaefesa 4:25.

   Zwine zwa amba zwone: Ri tea u fhulufhedzea kha zwoṱhe zwine ra zwi ita na u zwi amba.

 U itela u ḓivha zwo engedzeaho nga haya mafhungo, vhalani:

•   Thero ya Tshiingamo i re na tshiṱoho “Ndi Mini Tshine Tsha Nga Ni Thusa U Ita Phetho Dzavhuḓi?”

•   Thero “Tolerance—How the Bible Can Help.”