Vhathu u mona na shango vha na vhuludu nahone vha pfa u nga vha nga si kone u vha khonani ya muṅwe muthu. Vhaṅwe vhaḓivhi vha zwa mutakalo vha amba uri u thusa vhaṅwe zwi ita uri muthu a si ḓipfe nga yeneyo nḓila.

•   Vha U.S. National Institutes of Health vho amba uri: “U thusa vhaṅwe zwi ita uri ri ḓivhe uri ri khou tshilela mini, zwa dovha zwa ri thusa uri ri si ḓipfe u nga ri roṱhe.”

 Bivhili i ri thusa u wana nḓila dzine ra nga thusa vhaṅwe ngadzo. U shumisa zwine ya zwi amba zwi nga ri thusa u lwisana na vhuludu.

 Ivhani na mafunda. Wanani zwibuli zwa u fhedza tshifhinga na vhaṅwe. Ḓiimiseleni u kovhela vhaṅwe zwine na vha nazwo. Arali na ita ngauralo, vhane na vha thusa vha nga ni livhuwa nahone zwa ita uri ni vhe dzikhonani.

•   Zwine Bivhili ya zwi amba: “Dzulani ni tshi ṋea, na inwi vhathu vha ḓo ni ṋea.”—Luka 6:38.

 Shumisani nungo dzaṋu u thusa vhaṅwe. Wanani nḓila dza u thusa vhathu vhane vha vha kha vhuimo vhu konḓaho. Zwenezwo zwi nga katela u vha thetshelesa kana u vha ṱhaḓula kha miṅwe mishumo.

•   Zwine Bivhili ya zwi amba: “Khonani ya vhukuma i sumbedza lufuno tshifhinga tshoṱhe.”—Mirero 17:17.

 U wana mafhungo manzhi nga ha uri ri nga vha hani na vhushaka havhuḓi na vhaṅwe, vhalani thero “Family Life and Friendships.”