Musi Yesu e kha ḽifhasi o sumbedza uri u a funa vhathu, nga maanḓa-maanḓa vhathu vho tsikeledzeaho na vhe vha vha tshi tambula. (Mateo 9:36) O ita na u ṋekedza vhutshilo hawe a tshi itela vhathu. (Mateo 20:28; Yohane 15:13) Hu si kale u ḓo dovha a sumbedza uri u a funa vhathu nga u shumisa maanḓa ane a vha nao u fhelisa vhushai sa Khosi ya Muvhuso wa Mudzimu.

 Bivhili yo ṱalutshedza nga maipfi avhuḓi zwine Yesu a ḓo zwi ita, yo ri:

•   “Ngavhe a tshi lamulela vha ḓiṱukufhadzaho, ngavhe a tshi tshidza vhana vha vhashai.”—Phisalema 72:4.

 Ri nga sumbedza hani uri ri a livhuwa zwoṱhe zwe Yesu a ri itela na zwine a kha ḓi ḓo ri itela zwone? Kha Luka 22:19, Yesu o vhudza vhatevheli vhawe uri vha humbule lufu lwawe. Ndi ngazwo Ṱhanzi Dza Yehova vha tshi kuvhangana nga ḓuvha ḽe a lovha ngaḽo ṅwaha muṅwe na muṅwe u itela u humbula lufu lawe. Ri khou ni ramba uri ni ḓe ni humbule na rine lufu lwa Yesu nga Swondaha, 24 March 2024.

Wanani hune Tshihumbudzo tsha ḓo farelwa hone