Tante persone le tribola par gaver soldi che basta par comprar quel che le ga de bisogno. Magari, pol esser pi fadiga ancora par via dei problemi del mondo. Parché?

• Quando ghen’è problemi nte un posto, ghe vol de pi soldi par comprar el magnar e par gaver un posto de star.

• Le dificoltà econòmiche le pol far le persone perder el laoro o guadagnar manco.

• Le desgràssie le pol rovinar o finir fora coi posti ndove le persone le laora, le so case e altre robe che le ga. Cossita, tanti i deventa poareti.

• Se te sè doperar ben i to soldi, te sarè parecià quando sucede una dificoltà econòmica.

• Gaver capital adesso no vol mia dir che sempre te ndarè gaverlo. Quel che te guadagni, tuto quel che te ghè e i soldi che te ghè metesto via i pol perder el so valor.

• Ghen’è robe che no se pol mia comprar coi soldi, come la felicità e el amor nela fameia.

La Bìblia la dise: “Se ghemo de magnar e robe de vestir, semo contenti con queste robe.” — 1 Timòteo 6:8.

Esser contento vol dir star tranquilo de gaver quel che te ocore par cada giorno, invesse de seitar pensar in quel che te vol. Pensar cossita l’è ancora pi importante quando semo drio infrontar dificoltà econòmiche.

Par esser contento, fursi te gavarè de imparar a viver con manco soldi. Se te guasti de pi de quel che te guadagni, sarà pedo ancora.