Quando un sposo o una sposa i se rispeta, lori i se trata con amor, anca quando che lori no i ze intesi un colaltro. Un libro che parla sora matrimònio a el dise questo sora i maridadi che i se rispeta: “Questi maridadi no i resta drio difender cada un la so opinion . . . Invesse de questo, lori i se parla sora le so diferense e i scolta un al altro. Alora i riva a un acordo che l’è bon par i due.”

COSSA LA BÌBLIA LA DISE: “El amor . . . no’l va in serca dei so interessi.” — 1 Corinti 13:4, 5.

“Rispetar la me sposa vol dir saver el so valor e no far gnente che possa far mal a ela o al nostro matrimònio.” — Micah.

Se el sposo e la sposa no i se rispeta, lori i podaria scominsiar a parlarse de maniera crìtica, con sarcasmo e far de poco un del altro. Arquanti studiosi i pensa che queste robe tante volte le mostra che el matrimònio el va rivar al divòrsio.

“Se te doperi brute parole, parole che sconde quel che pròpio te vol dir o te doperi sarcasmo, questo el finirà fora col amor pròpio dela to sposa e ela no la se fidarà pi in ti, e questo el farà mal al to matrimònio.” — Brian.

DOMÀNDATE

Par una stimana, stà atento a quel che te disi e a quel che te fè. Dopo, rispondi:

• ‘Quante volte go brontolà col me sposo o cola me sposa? Quante volte ghe go dato un lode?’

• ‘Come che mi go mostrà rispeto par lu o par ela?’

PARLÉ INTRÀ DE VALTRI

• Cossa che valtri parlé e fé che pol far el altro sentirse rispetà?

• Cossa che valtri parlé e fé che pol far el altro sentirse nò rispetà?

PROA FAR QUESTO

• Scrivi tre robe che el to sposo o la to sposa podaria far par mostrarte rispeto. Cada un el ga de far la pròpia lista e dàrghela al altro. Dopo, sforséve par meter in pràtica quel che el altro el ga domandà.

• Fà una lista dele robe che ti te piase del to sposo o dela to sposa. Dopo, faghe saver quanto valor che le so qualità le ga par ti.

“Par rispetar el me sposo, mi dimostro con quel che fao che ghe dao valor a lu e che vui che lu el sìpia felice. No ocore mia far grande robe. Dele volte le ze le pìcole robe che le dimostra rispeto.” — Megan.

Par rispetar el me sposo, mi dimostro con quel che fao che ghe dao valor a lu e che vui che lu el sìpia felice. No ocore mia far grande robe. Dele volte le ze le pìcole robe che le dimostra rispeto.

COSSA LA BÌBLIA LA DISE: “Gavé de vestirve de terna compassion, bontà, umiltà, brandura e passiensa.” — Colossensi 3:12.