Nostra òpera de predicassion la ze mantegnesta prinsipalmente par donativi fati par le Testimònie de Geovà. a Cassete de donativi le ze meteste nei nostri posti de riunion, e altre maniere de far donativi le ze disponìbile nela pàgina dei Donativi. Le persone le pol scòlier far donativi par la òpera mondial, par le spese dela congregassion local o par le due. 

 Le Testimònie de Geovà no le ga de pagar el dìsimo, gnanca darghe un valor spessìfico o una parte del salàrio. (2 Corinti 9:7) No se domanda mia soldi nele riunion e no se paga gnente par ndar rento. Nostri ministri no i cobra gnente par far batésimo, funerai, matrimoni e altri laori religiosi. No se fà gnente par tor su soldi, come par esémpio rife, giugo del bingo, ingressi par magnar o altri tipi de feste, e gnanca no tolemo su limòsina. Le informassion sora le persone che fà i donativi no le ze mia anunsiade al pùblico. (Mateo 6:2-4) El nostro site e le nostre publicassion no i ga anunsi de propagande.

 Cada congregassion dele Testimònie de Geovà assa disponìbile a tuti i relatòri dele conte ntele riunion, che le ze verte al pùblico. Sempre se fà una verificassion dele conte de cada congregassion par esser sicuri che i donativi i sìpie doperadi dela maniera giusta. (2 Corinti 8:20-21) 

•   Cassete de donativi: Te pol far donativi con soldi o seche nele cassete de donativi nei Saloni del Regno, Saloni de Assemblee o altri posti de riunion. 

•   Donativi par la internet: In tanti paesi, te pol doperar la pàgina dela internet “Fà un donativo par le Testimònie de Geovà” par far donativi con carton de crèdito o de dèbito, trasferensie bancàrie o de altre maniere eletròniche. b Arquante persone le desside “meter qualcossa a parte” tuti i mesi par far sempre de maniera regolar questi tipi de donativi. — 1 Corinti 16:2.

•   Donassion programade: Ghen’è arquante maniere de far donativi che ghe vol far plani vanti o che ghe vol domandar a quei che i sà de pi sora assunti dela lege. Queste donassion programade pol giutarte a doperar ben la to donassion de acordo cola lege e coi imposti del to paese. Arquanti se ga benefissià parché i se ga informà ben sora donassion che pol esser fate in vita e che le scomìnsia a esser doperade quando la persona la more. Par piaser, parla cola filial dele Testemònie de Geovà del to paese se te ocore de pi informassion par far questi donativi. 

  •   conte bancàrie

  •   sicuri e plani de previdensia privada

  •   imòvei

  •   assion e tìtoli

  •   testamenti e fideicomisso

 Par gaver de pi informassion sora maniere de far donativi che ghen’è nela to region, va ntela pàgina “Fà un donativo par le Testemònie de Geovà”.