EMPARI 7
Yesu aari taani?
Yehova aamurumiha Yesu elapo ya vathi. 1 Yohani 4:9
Naatthunaka omusiveliha Muluku, ontthuneya omwiiwelela mutthu mmoha ootthuneya. Ahakunvene opakiwa Adamu, Yehova apattuxa nlaika nakuru.
Vovira ehuhu, Yehova amurumiha mutthwene yowo weera ayariwe Obetelehemu. Vano muthiyana oohitheliwa eeriwa Maria, ammuyara mwaana eera avahiwe insina na Yesu. — Yohani 6:38.
Yesu areene elapo ya vathi, ahoonihera mikhalelo sa Muluku. Owo aari oorera murima, ansivelo ni ootheleeya. Moolipa murima ahaaxuthiha atthu ekhaikhai ya Yehova.
Yesu annapaka soorera, namwi vareene hiiho owo anniittiwa. 1 Pedru 2:21-24
Yesu annalamiha ni wavinyereriha atthu yaakhwiwe.
Nave-tho ahooleli a idhini yannamwitta Yesu mwaha wowaxuxula ni soxutthiha saya sa thiru, ni mikhalelo soonanara yaarayano.
Ahooleli a idhini yahaawera aroma weera enmane ni omwiiva Yesu.
